SUN குழுமத்திலிருந்து வெளிவரும் காலை நாளிதழ்

பருத்தி ஆடைகளை பயன்படுத்த வேண்டுகோள்

11/20/2019 12:55:58 AM

திருப்பூர், நவ.20:  இயற்கையை பாழ்படுத்தும் சாயம் கலந்த ஆடைகளை பொதுமக்கள் தவிர்த்து பருத்தி ஆடைகளை பயன்படுத்த இயற்கை ஆர்வலர்கள் வேண்டுகோள் விடுத்துள்ளனர். உலகின் முன்னேறிய நாடுகள் இயற்கையை காக்க பல்வேறு முயற்சிகளில் ஈடுபட்டுள்ளனர். இதன்படி இயற்கை விவசாயம், ரசாயன ஆலைகள் தவிர்த்தல், மழை நீர் சேமிப்பு, மரங்கள் வளர்ப்பு, நீர், காற்று, மண் ஆகியவற்றை மாசு ஏற்படுத்தும் தொழிற்சாலைகளை ஐரோப்பிய நாடுகள், அமெரிக்கா உள்ளிட்ட நாடுகள் அனுமதிப்பதில்லை. இதனால், அவர்கள் நோயற்ற வாழ்க்கை வாழ்கின்றனர்.  இந்தியாவில் அணு உலைகள் மூலம் மின் உற்பத்தி, உணவு தானிய பொருட்கள் அதிக விளைச்சலுக்கு அதிகமான பூச்சி மருந்து பயன்படுத்துதல், மரங்களை அழித்தல், துணிகளுக்கு பல்வேறு கலர்கள் சேர்க்க ரசாயன கலவைகள் சேர்க்கும்போது அதிலிருந்து வெளியேறும் ரசாயன கழிவு நீர், நீர் நிலைகளில் கலந்து மண் வளம் கடுமையாக பாதிக்கப்படுகிறது. இதனால், நிலத்தடி நீரில் அமில தன்மை அதிகரித்து விவசாயத்திற்கு பயன்படுத்த முடியாத நிலை ஏற்பட்டுள்ளது.

உணவு பொருட்களில் அதிக வளர்ச்சிக்காக ரசாயனம் அதிகளவு சேர்க்கப்படுகிறது. குறிப்பாக தமிழகத்தில் விவசாய விளைநிலங்கள் வழியாக உயர்மின் கோபுரங்கள், கெயில் காஸ் குழாய்கள், காற்றாலைகள், மருத்துவ கழிவுகளை அரைக்கும் தொழிற்சாலைகள், மதுபான ஆலைகள், ஹெட்ரோ-கார்பன் திட்டம் உட்பட ரசாயன ஆலைகளை அமைத்து மாசு நிறைந்த பகுதியாக மாறிவருகிறது. இன்னும் சில ஆண்டுகளில் காய்கறிகள், குடிநீர், தானிய வகைகளை வெளி மாநிலங்களிலிருந்து இறக்குமதி செய்ய வேண்டிய அவலநிலை உள்ளது.  அபாயகரமான தொழிற்சாலைகளில் வேலை பார்க்க தமிழக தொழிலாளர்கள் முன்வருவது இல்லை. இதனால், வடமாநிலத்தை ேசர்ந்த 2 கோடி பேர் தமிழகம் முழுவதும் பல்வேறு தொழில் நிறுவனங்களில் வேலை பார்க்கின்றனர். இந்த நிலை தொடர்ந்து நீடித்தால் தமிழகத்தில் மனிதர்கள் வாழ தகுதியற்ற மாநிலமாக மாறும் அபாயம் உள்ளது. சாயம் கலந்த ஆடைகளை தவிர்த்து, சாயம் கலக்காத பருத்தி ஆடைகளையும், இயற்கை முறையில் காய்கறிகள், தானியங்களை உற்பத்தி செய்து பயன்படுத்த பொதுமக்கள் முன் வரவேண்டும் என இயற்கை ஆர்வலர்கள் கோரிக்கை விடுத்துள்ளனர்.


மேலும் செய்திகள்

Like Us on Facebook Dinkaran Daily News
  • 24-01-2020

    24-01-2020 இன்றைய சிறப்பு படங்கள்

  • koalaa_ausiiee

    ஆஸ்திரேலியாவில் தீ காயங்களுடன் எண்ணற்ற கோலா கரடிகள் மீட்பு : குழந்தை போல் கையாளப்பட்டு சிகிச்சை அளிப்பு

  • nasaa_spaacee1

    விண்வெளியில் நடந்தபடியே சர்வதேச விண்வெளி மையத்தில் பேட்டரியை மாற்றி நாசா வீராங்கனைகள் சாதனை

  • aussie_nidhii11

    தீயணைப்பு வீரர்களுக்கு நிதி திரட்டுவதற்காக, கால்பந்து மைதானத்தை விட நீளமான பிரம்மாண்ட பீட்சா தயாரிப்பு : ஆஸ்திரேலியாவில் ருசிகரம்

  • isro_spaacc11

    ககன்யான் திட்டத்தில் விண்வெளிக்கு அனுப்பப்படும் பெண் ரோபோ வியோ மித்ராவை அறிமுகம் செய்தது இஸ்ரோ

படங்கள் வீடியோ கல்வி சினிமா ஜோ‌திட‌ம்