SUN குழுமத்திலிருந்து வெளிவரும் காலை நாளிதழ்

காங்கயம், வெள்ளகோவில் பகுதிகளில் பால் உற்பத்தி அதிகரிப்பு

11/20/2019 12:55:53 AM

காங்கயம், நவ. 20:  காங்கயம், வெள்ளகோவில் பகுதிகளில் கடந்த சில நாட்களாக பெய்த பரவலாக மழையால் மேய்ச்சல் நிலங்களில் புற்கள் செழித்து வளர்ந்துள்ளது. இதனால் பால் உற்பத்தி 20 சதவீத அளவிற்கு அதிகரித்துள்ள விவசாயிகள் தெரிவித்தனர்.
 காங்கயம், வெள்ளகோவில் பகுதிகளின் கடந்த சில மாதங்களுக்கு முன் பரவலாக மழை பெய்தது. இதை பயன்படுத்தி விவசாயிகள் மேய்ச்சல் நிலங்களில் நரிப்பயிர், கொள்ளு, சோளம் உள்ளிட்டவற்றை விதைப்பு செய்தனர். தொடர்ந்து பெய்த மழை காரணமாக அவைகள் தற்போது நன்கு வளர்ந்துள்ளது. இதுதவிர கொழுக்கட்டை புற்களும் மேய்ச்சல் நிலங்களில் வளர்ந்து நிற்கின்றது. இதுவரை பச்சை அல்லாத காய வைக்கப்பட்ட வைக்கோல், சோளத்தட்டு உள்ளிட்டவற்றை மாடுகளுக்கு கொடுத்து வந்த விவசாயிகள் தற்போது மேய்ச்சல் நிலங்களில் மாடுகளை மேயவிட்டு வருகின்றனர்.மேலும் பச்சை புற்களை கறவை மாடுகள் உண்பதால் பால் உற்பத்தியும் அதிகரித்துள்ளது. இது பற்றி மரவபாளையம் விவசாயி விஸ்வநாதன் கூறுகையில், ‘‘சமீப காலங்களில் தண்ணீர் பிரச்னை ஏற்பட்டதால் விவசாயத்தில் அதிகம் கவனம் செலுத்த முடியாத நிலை ஏற்பட்டது.

இதனால் கறவை மாடுகளை வைத்து பால் உற்பத்தியில் ஈடுபட்டுள்ளோம். இது லாபகரமான தொழில் இல்லை என்றாலும், ஓரளவு வாழ்க்கையை ஓட்டிக் கொள்ளும் தொழிலாக உள்ளது. உற்பத்தி செய்யும் பாலை உற்பத்தியாளர் கூட்டுறவு சங்க கொள்முதல் மையங்களிலும், தனியார் நிறுவனங்களின் பால் கொள்முதல் மையங்களிலும் சப்ளை செய்து வருகிறோம். தற்போது பரவலாக பெய்த மழையால் மேய்ச்சல் நிலங்களில் புற்கள் செழித்து வளர்ந்துள்ளதால் மாடுகளுக்கு நல்ல மேய்ச்சல் கிடைக்கிறது. இதனால் பால் உற்பத்தி அதிகரித்துள்ளது. வழக்கமாக 1 லிட்டர் பால் கொடுக்கும் மாடு தற்போது 6 லிட்டர் வரை பால் கொடுக்கிறது. இதனால் கொள்முதல் நிலையங்களுக்கு பால் வரத்தும் சுமார் 20 சதவீதம் அதிகரித்துள்ளது,’’ என்றார்.


மேலும் செய்திகள்

Like Us on Facebook Dinkaran Daily News
  • colum_ellaiii1

    எல்லை பாதுகாப்பை வலுப்படுத்தும் வகையில், கொலம்பியா வீரர்களுடன் இணைந்து அமெரிக்க பாரா 'ட்ரூப் வீரர்கள் பயிற்சி

  • chinaaa_scieen11

    உலகை ஆட்டிப் படைக்கும் கொரோனா வைரஸிற்கு இதுவரை 132 பேர் பலி : வைரஸால் பாதிக்கப்பட்ட சுமார் 6,000 பேருக்கு தீவிர சிகிச்சை

  • marathon_dogggg1

    482 கி.மீ.தூரத்தை கடக்க அசுர வேகத்தில் ஓடி வரும் நாய்கள்… அமெரிக்காவில் களைகட்டிய மாரத்தான் போட்டி : பார்வையாளர்கள் உற்சாகம்

  • 29-01-2020

    29-01-2020 இன்றைய சிறப்பு படங்கள்

  • coronaa_chinnnaa1

    ஆள் நடமாட்டமின்றி பேய் நகரமாக மாறிய சீன மாகாணம் : கொரோனோ வைரஸால் மக்களின் பயத்தை காட்டும் காட்சிகள்

படங்கள் வீடியோ கல்வி சினிமா ஜோ‌திட‌ம்