SUN குழுமத்திலிருந்து வெளிவரும் காலை நாளிதழ்

உள்ளாட்சி தேர்தலில் 5 சதவீதம் இடஒதுக்கீடு வழங்க வேண்டும் மாற்றுத்திறனாளிகள் வலியுறுத்தல்

11/19/2019 6:31:12 AM

சாயல்குடி, நவ. 19:  உள்ளாட்சி தேர்தலில் போட்டியிட 5 சதவீதம் இடஒதுக்கீடு செய்ய வேண்டும் என மாற்றுத்திறனாளிகள் தமிழக அரசிற்கு கோரிக்கை விடுத்துள்ளனர். இது குறித்து ராமநாதபுரம் மாவட்ட காதுகேளாதவர்கள் சங்க பொதுச்செயலாளர் ரவிசங்கர் கூறும்போது, ‘‘தமிழ்நாட்டில் சுமார் 20 சதவீத பலதரப்பட்ட மாற்றுத்திறனாளிகள் வசித்து வருகின்றனர். பொருளாதாரம் மற்றும் சமுதாயத்தில் மிகவும் பின்தங்கியுள்ளனர். அரசு பணியில் 4 சதவீத ஒதுக்கீடு பின்பற்றப்படுகிறது. இதனால் ஐ.ஏ.எஸ் உள்ளிட்ட பல்வேறு உயர்பதவிகளில் மாற்றுத்திறனாளிகள் உள்ளனர்.

ஆனால் உள்ளாட்சி போன்ற மக்கள் பிரதிநிதி தேர்தலில்களில் போட்டியிட விரும்பும் மாற்றுத்திறனாளிகளுக்கு முன்னுரிமை வழங்கப்படுவதில்லை. எனவே எஸ்.சி, எஸ்.டி மற்றும் பெண்களுக்கு வழங்கப்படும் முன்னுரிமை போன்று மாற்றுத்திறனாளிகளுக்கும் உள்ளாட்சி தேர்தலில் போட்டியிட முன்னுரிமை வழங்க வேண்டும். 2016ல் இயற்றப்பட்ட மாற்றுத்திறனாளிகள் நல சட்டப்படி வரும் உள்ளாட்சி தேர்தலில் 5 சதவீத ஒதுக்கீடு செய்ய வேண்டும்’’ என்றார். மேலும் இது குறித்து தமிழக முதல்வர், உள்ளாட்சித்துறை அமைச்சர், தலைமை தேர்தல் அலுவலர், தலைமை செயலர் ஆகியோருக்கு கோரிக்கை மனு அனுப்பினர்.

மேலும் செய்திகள்

Like Us on Facebook Dinkaran Daily News
  • 08-12-2019

    08-12-2019 இன்றைய சிறப்பு படங்கள்

  • 07-12-2019

    07-12-2019 இன்றைய சிறப்பு படங்கள்

  • RioStarFerrisWheel

    பார்வையாளர்களுக்காக விரைவில் திறக்கப்படவுள்ள ரியோ டி ஜெனிரோவின் பிரம்மாண்ட ராட்டினம்: வியப்பூட்டும் புகைப்படங்கள்

  • ambedh_day11

    இந்திய அரசியல் சாசனத்தின் தந்தை டாக்டர் அம்பேத்கரின் நினைவு தினம்: குடியரசுத்தலைவர், பிரதமர் உள்ளிட்டோர் மரியாதை!

  • SydneyOrangeSky19

    ஆஸ்திரேலிய வனப்பகுதியில் ஏற்பட்ட தீயின் புகையால் ஆரஞ்சு நிறமாக காட்சியளிக்கும் சிட்னி வான் பகுதி: புகைப்படங்கள்

படங்கள் வீடியோ கல்வி சினிமா ஜோ‌திட‌ம்