SUN குழுமத்திலிருந்து வெளிவரும் காலை நாளிதழ்

கடையத்தில் சார் பதிவாளர் இல்லாததால் பத்திரப்பதிவு செய்வதில் தொடரும் தாமதம்

11/12/2019 7:19:52 AM

கடையம், நவ.12:  கடையம் சார் பதிவாளர் அலுவலகத்தில் கடந்த 5 மாதங்களாக சார் பதிவாளர் இல்லாததால் பத்திரங்களை பதிவு செய்ய முடியாமல் பொதுமக்கள் கடும் பாதிப்பிற்குள்ளாகி வருகின்றனர்.கடையம் ராமநதி அணை செல்லும் சாலையில் சார் பதிவாளர் அலுவலகம் செயல்பட்டு வருகிறது. இந்த அலுவலகத்தின் மூலம் கடையம் யூனியனுக்கு உட்பட்ட 23 ஊராட்சியில் உள்ள மக்கள் மற்றும் ஆழ்வார்குறிச்சி பேரூராட்சியில் உள்ள மக்கள் பயன்பெற்று வருகின்றனர். இந்த அலுவலகத்தில் திருமண பதிவு, பத்திரபதிவு, சங்கபதிவு உள்பட  நாள்தோறும் 30 முதல் 40 வரையிலான பதிவுகள் மேற்கொள்ளப்படுகின்றன.

இந்த அலுவலகத்தில் சார் பதிவாளராக இருந்தவர் கடந்த ஜூலை மாதம் பதவி உயர்வு பெற்று நெல்லை சென்றார். அதன்பின் 5 மாதமாகியும் கடையத்திற்கு சார் பதிவாளர் நியமிக்கபடவில்லை. இங்குள்ள உதவியாளர் தான் பொறுப்பாக செயல்பட்டு வருகிறார்.   சார் பதிவாளர் இல்லாததால் ஒரு பத்திரம் பதியவே ஒரு நாள் முழுவதும் பொதுமக்கள் காத்திருக்க நேரிடுகிறது. இதனால் பொதுமக்கள் பரிதவித்து வருகின்றனர். இந்த அலுவலகத்திலுள்ள பயோ மெட்ரிக் வருகைப் பதிவேடும் முறையாக பராமரிக்கப்படவில்லை என தெரிகிறது. சார் பதிவாளர் அலுவலக வாசலில் நேற்று காலையில் வழியை அடைத்தார் போல் ஒரு கார் நிறுத்தப்பட்டது. இதனால் மக்கள் உள்ளே சென்று வர சிரமப்பட்டனர். இந்த காரை ஒதுக்கி விட சொல்வதற்கு கூட ஆளில்லாமல் நிர்வாகம் சீர்குலைந்து கிடக்கிறது.  எனவே கடையம் சார் பதிவாளர் அலுவலகத்திற்கு விரைவில் சார் பதிவாளரை நியமிக்க நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News
  • 24-01-2020

    24-01-2020 இன்றைய சிறப்பு படங்கள்

  • koalaa_ausiiee

    ஆஸ்திரேலியாவில் தீ காயங்களுடன் எண்ணற்ற கோலா கரடிகள் மீட்பு : குழந்தை போல் கையாளப்பட்டு சிகிச்சை அளிப்பு

  • nasaa_spaacee1

    விண்வெளியில் நடந்தபடியே சர்வதேச விண்வெளி மையத்தில் பேட்டரியை மாற்றி நாசா வீராங்கனைகள் சாதனை

  • aussie_nidhii11

    தீயணைப்பு வீரர்களுக்கு நிதி திரட்டுவதற்காக, கால்பந்து மைதானத்தை விட நீளமான பிரம்மாண்ட பீட்சா தயாரிப்பு : ஆஸ்திரேலியாவில் ருசிகரம்

  • isro_spaacc11

    ககன்யான் திட்டத்தில் விண்வெளிக்கு அனுப்பப்படும் பெண் ரோபோ வியோ மித்ராவை அறிமுகம் செய்தது இஸ்ரோ

படங்கள் வீடியோ கல்வி சினிமா ஜோ‌திட‌ம்