SUN குழுமத்திலிருந்து வெளிவரும் காலை நாளிதழ்

தர்மபுரி அரசு மருத்துவமனையில் ₹3.50 கோடியில் இருதய தீவிர சிகிச்சை மையம்

11/12/2019 7:03:23 AM

தர்மபுரி, நவ.12: தர்மபுரி அரசு மருத்துவக்கல்லூரி மருத்துவமனையில், ₹3.50 கோடியில் இருதய தீவிர சிகிச்சை மையம் தொடங்கப்பட உள்ளது என, தர்மபுரி எம்பி டாக்டர் செந்தில்குமார் தெரிவித்துள்ளார். தர்மபுரி தலைமை மருத்துவமனை கடந்த 2008ம் ஆண்டு மருத்துவக்கல்லூரி மருத்துவமனையாக தரம் உயர்த்தப்பட்டது. தர்மபுரி, கிருஷ்ணகிரி, திருவண்ணாமலை, வேலூர் ஆகிய 4 மாவட்டங்களை சேர்ந்த 3 ஆயிரத்திற்கும் மேற்பட்ட புறநோயாளிகளும், 900 உள்நோயாளிகளும் தினசரி சிகிச்சைக்கு வருகின்றனர். இவர்களுக்கு சிசிச்சை அளிக்க 120க்கும் மேற்பட்ட டாக்டர்களும், 250க்கும் மேற்பட்ட செவிலியர்களும் உள்ளனர். அவசர சிகிச்சை வார்டு, கண், பல், எலும்பு உள்பட 58 வார்டுகள் உள்ளன. இத்தனை வசதிகள் இருந்தும், இருதய சிகிச்சை பிரிவு வசதி தர்மபுரி அரசு மருத்துவமனையில் இல்லை.இதனால், தர்மபுரி அரசு மருத்துவமனைக்கு வரும் நோயாளிகள், சேலம் அல்லது பெங்களூருக்கு அனுப்பி வைக்கப்படுகின்றனர். இதனால் உயிரிழப்பு சம்பவமும் நடக்கிறது.

எனவே, தர்மபுரி அரசு மருத்துவமனையில் இருதய சிகிச்சை பிரிவு தொடங்கி, சிறப்பு மருத்துவ நிபுணர் நியமிக்க வேண்டும் என, தர்மபுரி எம்பி டாக்டர் செந்தில்குமாரிடம் பல்வேறு தரப்பினர் கோரிக்கை வைத்தனர். இதையடுத்து கடந்த ஆகஸ்ட் மாதம் மத்திய சுகாதாரத்துறை அமைச்சர் ஹர்ஷ வர்த்தனை, தர்மபுரி எம்பி நேரில் சந்தித்து, தர்மபுரி அரசு மருத்துவ கல்லூரி மருத்துவமனையில் தீவிர இருதய சிகிச்சை மற்றும் அவசர கால விபத்து சிகிச்சை மையங்கள் அமைக்க கோரிக்கை விடுத்தார். அதன் பயனாக, தேசிய சுகாதாரப் பணிகள் (என்எச்எம்) வாயிலாக, தர்மபுரி அரசு மருத்துவ கல்லூரி மருத்துவமனைக்கு ₹3.50 கோடி ஒதுக்கீடு செய்யப்பட்டுள்ளது. இந்த நிதியில் இந்த மாதம் இறுதிக்குள், இருதய தீவிர சிகிச்சை மையம் தொடங்க நடவடிக்கை எடுக்கப்பட்டுள்ளது. இதுகுறித்து எம்பி டாக்டர் செந்தில்குமார் கூறுகையில், ‘தர்மபுரி மாவட்ட மக்களின் நீண்டநாள் கோரிக்கை நிறைவேற உள்ளது. இருதய தீவிர சிகிச்சை மையம் தொடங்கப்பட்டு, மக்களுக்கு சிகிச்சை அளிக்கப்படும். படிப்படியாக அனைத்து வசதிகளும் மேம்படுத்தப்படும். மேலும் அவசர கால விபத்து சிகிச்சைப்பிரிவு, தர்மபுரி மாவட்டங்களில் தர்மபுரி அரசு மருத்துவக்கல்லூரி மருத்துவமனை, பென்னாகரம் மாவட்ட தலைமை மருத்துவமனை, அரூர் தாலுக்கா மருத்துவமனை ஆகிய 3 இடங்களில் தரம் உயர்த்தப்பட உள்ளது,’ என்றார்.

மேலும் செய்திகள்

Like Us on Facebook Dinkaran Daily News
  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

  • thai_ammamam

    தை அமாவாசை : ராமேஸ்வரம், காவிரி உள்ளிட்ட நீர்நிலைகளில் புனித நீராடி, முன்னோர்களுக்கு தர்ப்பணம் கொடுத்து மக்கள் வழிபாடு

  • mouni_amavaaa1

    வட இந்தியாவில் மவுனி அமாவாசை : திரிவேணி சங்கமத்தில் லட்சக்கணக்கானோர் புனித நீராடி, தங்களது முன்னோர்களுக்கு தர்பணம் கொடுத்து வழிபாடு

படங்கள் வீடியோ கல்வி சினிமா ஜோ‌திட‌ம்