SUN குழுமத்திலிருந்து வெளிவரும் காலை நாளிதழ்

மின்சாரம் தாக்கி யானை இறந்த வழக்கில் விவசாயி கைது

11/12/2019 6:44:21 AM

சத்தியமங்கலம், நவ.12:    தாளவாடி அருகே உள்ள முதியனூர் கிராமத்தை சேர்ந்தவர் விவசாயி மாதேவசாமி (47). இவரது தோட்டம் வனப்பகுதியை ஒட்டி அமைந்துள்ளது. இவர் தனது தோட்டத்தில் மக்காச்சோளம் பயிரிட்டுள்ளார். அருகே வனப்பகுதியிலிருந்து வெளியேறும் காட்டுப்பன்றி, மான், யானை உள்ளிட்ட வனவிலங்குகள் இப்பகுதியில் உள்ள விவசாய விளைநிலங்களில் புகுந்து பயிர்களை சேதப்படுத்துவதால் மாதேவசாமி தனது நிலத்தை சுற்றிலும் மின் வேலி அமைத்துள்ளார். நேற்றுமுன்தினம் அதிகாலை வனப்பகுதியை விட்டு வெளியேறிய யானை, மாதேவசாமி பயிரிட்டுள்ள மக்காச்சோள பயிருக்குள் நுழைய முயன்றபோது மின்வேலி மின்சாரம் தாக்கி இறந்தது. சம்பவ இடத்திற்கு சென்ற வனத்துறையினர், சுமார் 40 வயது மதிக்கத்தக்க பெண் யானை இறந்து கிடப்பதை பார்த்தனர்.யானையின் உடலை வனத்துறை கால்நடை மருத்துவர் அசோகன் பிரேதப்பரிசோதனை செய்ததில் யானை மின்சாரம் தாக்கி இறந்தது உறுதிப்படுத்தப்பட்டது. மின்வேலியில் உயரழுத்த மின்சாரம் பாய்ச்சிய மாதேவசாமியை வனத்துறையினர் கைது செய்து சத்தியமங்கலம் நீதிமன்றத்தில் ஆஜர்படுத்தி சிறையில் அடைத்தனர்.  தகவலறிந்த மின்வாரிய அதிகாரிகள் சம்பவ இடத்திற்கு சென்று ஆய்வு செய்ததில் மின்வேலியில் உயரழுத்த மின்சாரம் பாய்ச்சியது உறுதி செய்தனர். இதையடுத்து மின்வாரியம் சார்பில் மாதேவசாமி மீது ஆசனூர் காவல்நிலையத்தில் புகார் அளிக்கப்பட்டது.

மேலும் செய்திகள்

Like Us on Facebook Dinkaran Daily News
  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

  • thai_ammamam

    தை அமாவாசை : ராமேஸ்வரம், காவிரி உள்ளிட்ட நீர்நிலைகளில் புனித நீராடி, முன்னோர்களுக்கு தர்ப்பணம் கொடுத்து மக்கள் வழிபாடு

  • mouni_amavaaa1

    வட இந்தியாவில் மவுனி அமாவாசை : திரிவேணி சங்கமத்தில் லட்சக்கணக்கானோர் புனித நீராடி, தங்களது முன்னோர்களுக்கு தர்பணம் கொடுத்து வழிபாடு

படங்கள் வீடியோ கல்வி சினிமா ஜோ‌திட‌ம்