SUN குழுமத்திலிருந்து வெளிவரும் காலை நாளிதழ்

கெட்டிசமுத்திரம் ஏரிக்கரையில் விரிசல் அந்தியூர்-பர்கூர் இடையே போக்குவரத்து மாற்றம்

11/12/2019 6:44:00 AM

அந்தியூர், நவ.12:  ஈரோடு மாவட்டம் அந்தியூர் அருகே கிருஷ்ணாபுரம் பகுதியில் 200 ஏக்கர் பரப்பளவில் 17.50 அடி உயரத்தில் கெட்டிசமுத்திரம் ஏரி அமைந்துள்ளது. இந்த ஏரிக்கு வரட்டுப்பள்ளம் அணை, எண்ணமங்கலம் ஏரி ஆகியவற்றில் இருந்து வெளியேறும் உபரிநீர் வருகிறது. வடகிழக்கு பருவமழை பெய்து வருவதால் எண்ணமங்கலம் ஏரி, வரட்டுப் பள்ளம் அணை ஆகியவை நிரம்பி உபரிநீர் கெட்டிசமுத்திரம் ஏரிக்கு வந்துகொண்டிருந்தது. இந்நிலையில், நேற்று காலை கெட்டி சமுத்திரம் ஏரி அதன் முழு கொள்ளளவான 17.48 அடியை எட்டியது. உபரிநீர் அந்தியூர் பெரிய ஏரிக்கு வந்து கொண்டிருக்கிறது. 10 ஆண்டுக்கு பிறகு இந்த ஏரி நிரம்பி உள்ளது.இந்த ஏரியின் மேற்குகரை வழியே அந்தியூரில் இருந்து பர்கூர், எண்ணமங்கலம், கோவிலூர், வெள்ளித்திருப்பூர், ஆலாம்பாளையம், செல்லம்பாளையம், மூலக்கடை செல்லும் சாலை அமைந்துள்ளது.தொடர் மழையால்இந்த சாலையில் கரைக்கும், சாலைக்கும் இடையே சுமார் 300 மீட்டர் அளவிற்கு விரிசல்  ஏற்பட்டுள்ளது.

தகவலறிந்து சம்பவ இடத்திற்கு வந்த காவல்துறையினர் அந்தியூர்-பர்கூர் மற்றும் சுற்றுப்புற கிராமங்களுக்கு இடையேயான போக்குவரத்தை குருநாதசுவாமி வனக் கோயில் வழியாக மாற்றி திருப்பி விட்டனர்.மேலும், சம்பவ இடத்தை அந்தியூர் எம்எல்ஏ ராஜா கிருஷ்ணன், கோபி கோட்டாட்சியர் ஜெயராமன், வட்டாட்சியர் மாலதி, பவானி உட்கோட்ட காவல் கண்காணிப்பாளர் சேகர், இன்ஸ்பெக்டர் ரவி, பொதுப்பணித்துறை உதவி பொறியாளர் சுலைமான் மற்றும் அதிகாரிகள் பார்வையிட்டனர்.
கரையில் மேலும் விரிசல் ஏற்படாதவாறு தடுப்பு நடவடிக்கை மேற்கொள்ளப்பட்டு வருகின்றன.

மேலும் செய்திகள்

Like Us on Facebook Dinkaran Daily News
  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

  • thai_ammamam

    தை அமாவாசை : ராமேஸ்வரம், காவிரி உள்ளிட்ட நீர்நிலைகளில் புனித நீராடி, முன்னோர்களுக்கு தர்ப்பணம் கொடுத்து மக்கள் வழிபாடு

  • mouni_amavaaa1

    வட இந்தியாவில் மவுனி அமாவாசை : திரிவேணி சங்கமத்தில் லட்சக்கணக்கானோர் புனித நீராடி, தங்களது முன்னோர்களுக்கு தர்பணம் கொடுத்து வழிபாடு

படங்கள் வீடியோ கல்வி சினிமா ஜோ‌திட‌ம்