SUN குழுமத்திலிருந்து வெளிவரும் காலை நாளிதழ்

மழையின்றி இதமான காலநிலை எதிரொலி பைக்காரா அணையில் படகு சவாரி செய்து சுற்றுலா பயணிகள் மகிழ்ச்சி

11/8/2019 5:43:21 AM

ஊட்டி. நவ. 8: கடந்த ஒரு வார காலமாக மழையின்றி இதமான காலநிலை நிலவி வரும் நிலையில் ஊட்டி பைக்காரா படகு இல்லத்தில் சுற்றுலா பயணிகள் படகு சவாரி செய்து மகிழ்ந்தனர். நீலகிரி மாவட்டத்தில் கடந்த ஆகஸ்ட் மாதம் தென்மேற்கு பருவமழை துவங்கியது. இரு மாதங்களுக்கு மேலாக நல்ல மழை பெய்தது. அதன்பின் அக்ேடாபர் இரண்டாவது வாரத்தில் வடகிழக்கு பருவமழை துவங்கியது. 3 மாதங்களுக்கும் மேலாக பெய்த மழையால் நீலகிரி மாவட்டத்தில் உள்ள பெரும்பாலான அணைகள், நீர் நிலைகள் உள்ளிட்டவைகள் முழு கொள்ளலவை எட்டின.
மின் உற்பத்திக்கு ஆதாரமான அணைகளில் ஒன்றான பைக்காரா அணையையும் முழு கொள்ளளவை எட்டி தற்போது கடல போல் காட்சியளிக்கிறது. வனப்பகுதிகளுக்கு நடுவே ரம்மியமாக காட்சியளிக்கும் பைக்காரா அணையில் சுற்றுலாத்துறையின் கட்டுப்பாட்டில் உள்ள படகு இல்லம் உள்ளது.  

இப்படகு இல்லத்தில் 20 மோட்டார் படகுகளும், 5 அதிவேக படகுகளும் உள்ளன. இங்கு வர கூடிய சுற்றுலா பயணிகள் தண்ணீரை கிழித்து கொண்டு செல்லும் அதிவேக படகுகளில் செல்ல அதிக ஆர்வம் காட்டுவார்கள். இந்நிலையில் 3 மாதங்கள் தொடர்ச்சியாக பெய்த மழை காரணமாக சுற்றுலா பயணிகள் வருகை மிக குறைவாக இருந்தது. இந்நிலையில் கடந்த ஒரு வார காலமாக மழையின்றி வெயில் மற்றும் மேகமூட்டத்துடன் கூடிய காலநிலை நிலவி வருகிறது. இதனால் மீண்டும் பைக்காராவிற்கு சுற்றுலா பயணிகள் வர துவங்கியுள்ளனர். இதனால் படகு இல்லத்தில் சுற்றுலா பயணிகள் கூட்டம் காணப்படுகிறது. அணை முழுமையாக நிரம்பியுள்ள நிலையில் சுற்றுலா பயணிகள் மகிழ்ச்சியுடன் படகு சவாரி செய்து வருகின்றனர். குறிப்பாக ஸ்பீட் படகில் படகு சவாரி செய்து மகிழ்ந்தனர்.

மேலும் செய்திகள்

Like Us on Facebook Dinkaran Daily News
  • 10-12-2019

    10-12-2019 இன்றைய சிறப்பு படங்கள்

  • hongkiong_1211

    அரசுக்கு எதிரான ஆர்ப்பாட்டங்களின் 6 மாத கால நிறைவை முன்னிட்டு ஹாங்காங்கில் பிரம்மாண்ட பேரணி : ஆயிரக்கணக்கானோர் பங்கேற்பு

  • northesat_masothaa1

    குடியுரிமை சட்ட திருத்த மசோதாவுக்கு எதிரான போராட்டங்களால் போர்க்களமாகி உள்ள வடகிழக்கு மாநிலங்கள்

  • dragon_shapes_chinaa1

    40 மீட்டர் நீள டிராகன், பாண்டா.. சீன புத்தாண்டை முன்னிட்டு எஸ்டோனிய தலைநகரை அலங்கரித்த ஒளிரும் உருவங்கள்

  • puthucheri_cmnarayana

    சோனியா காந்தி பிறந்த நாள் விழாவில் பெண்களுக்கு பரிசாக வெங்காயத்தை வழங்கினார் புதுச்சேரி முதல்வர்!!

படங்கள் வீடியோ கல்வி சினிமா ஜோ‌திட‌ம்