SUN குழுமத்திலிருந்து வெளிவரும் காலை நாளிதழ்

அடிப்படை வசதி கேட்டு மாதர் சங்கத்தினர் யூனியன் அலுவலகத்தை முற்றுகை

11/7/2019 1:43:42 AM

பேரையூர், நவ. 7: உத்தப்புரம் கிராமத்தில் ஆதிதிராவிடர்கள் வசிக்கும் பகுதிக்கு அடிப்படை வசதிகோரி, சேடபட்டி யூனியன் அலுவலகத்தை மாதர் சங்கத்தினர் முற்றுகையிட்டதால் பரபரப்பு ஏற்பட்டது.பேரையூர் தாலுகா, சேடபட்டி ஒன்றியத்தில் உத்தப்புரம் கிராமம் உள்ளது. இங்குள்ள ஆதிதிராவிடர்கள் வசிக்கும் பகுதியில் போதிய அடிப்படை வசதியின்றி பொதுமக்கள் அவதிப்படுகின்றனர். போதிய குடிநீர் வசதியில்லை. வாறுகாலில் அடைப்பு ஏற்பட்டு கழிவுநீர் தேங்கி நிற்கிறது. பெண்களுக்கு பொதுக்கழிப்பறை இல்லை. தெருக்களில் போதிய தெருவிளக்குகள் இல்லை. வாறுகால்கள் தூர்வாரப்படாமல் சுகாதாரக்கேடு ஏற்பட்டுள்ளது. இதனால், மர்மக் காய்ச்சல் பரவும் அபாயம் உள்ளது.இந்நிலையில், ஆதிதிராவிடர்கள் வசிக்கும் பகுதிக்கு அடிப்படை வசதிகளை செய்து தரக்கோரி, மாதர் சங்கத்தினர் சேடபட்டி யூனியன் அலுவலகத்தை நேற்று முற்றுகையிட்டனர். சங்க மாவட்ட செயலாளர் முத்துராணி தலைமை வகித்தார். மார்க்சிஸ்ட் கம்யூனிஸ்ட் கட்சி சேடபட்டி ஒன்றியச் செயலாளர் ஜெயபால், ஒன்றியக்குழு உறுப்பினர்கள் சங்கர், காசிமாயன், பொன்னையா ஆகியோர் முன்னிலை வகித்தனர். இது தொடர்பாக யூனியன் ஆணையாளர் கதிரவனிடம் பேச்சுவார்த்தை நடத்தி, கோரிக்கை மனு அளித்தனர். மனுவைப் பெற்றுக்கொண்ட ஆணையாளர் 4 நாட்களுக்குள் நடவடிக்கை எடுப்பதாக உறுதியளித்துள்ளார். இதையடுத்து மாதர் சங்கத்தினர் கலைந்து சென்றனர்.

மேலும் செய்திகள்

Like Us on Facebook Dinkaran Daily News
  • 07-12-2019

    07-12-2019 இன்றைய சிறப்பு படங்கள்

  • RioStarFerrisWheel

    பார்வையாளர்களுக்காக விரைவில் திறக்கப்படவுள்ள ரியோ டி ஜெனிரோவின் பிரம்மாண்ட ராட்டினம்: வியப்பூட்டும் புகைப்படங்கள்

  • ambedh_day11

    இந்திய அரசியல் சாசனத்தின் தந்தை டாக்டர் அம்பேத்கரின் நினைவு தினம்: குடியரசுத்தலைவர், பிரதமர் உள்ளிட்டோர் மரியாதை!

  • SydneyOrangeSky19

    ஆஸ்திரேலிய வனப்பகுதியில் ஏற்பட்ட தீயின் புகையால் ஆரஞ்சு நிறமாக காட்சியளிக்கும் சிட்னி வான் பகுதி: புகைப்படங்கள்

  • victoriafallsdry2019

    தென் ஆப்ரிக்காவில் நிலவும் வறட்சி: விக்டோரியா அருவியில் 25 ஆண்டுகளில் இல்லாத அளவில் குறைந்த தண்ணீர் வரத்து

படங்கள் வீடியோ கல்வி சினிமா ஜோ‌திட‌ம்