SUN குழுமத்திலிருந்து வெளிவரும் காலை நாளிதழ்

அடிக்கடி விபத்து ஏற்படுவதால் மன்னார்குடி மாவட்ட அரசு தலைமை மருத்துவமனை எதிரில் வேகத்தடை அமைக்க வேண்டும் இளைஞர் பெருமன்றம் வலியுறுத்தல்

10/23/2019 12:23:51 AM

மன்னார்குடி, அக். 23: மன்னார்குடி மாவட்ட அரசு தலைமை மருத்துவமனை எதிரில் அடிக்கடி விபத்துகள் ஏற்படுவதால் அப்பகுதியில் வேகத்தடை அமைக்க வேண்டுமென அனைத்திந்திய இளைஞர் பெருமன்றம் வலியுறுத்தியுள்ளது.இதுகுறித்து அனைத்திந்திய இளைஞர் பெருமன்றம் நகரக்குழு சார்பில் நகர செயலாளர் சிவரஞ்சித் தலைமையில் மன்னார்குடி நகராட்சி நகரமைப்பு ஆய்வாளர் விஜயகுமாரிடம் அளிக்கப்பட்ட கோரிக்கை மனுவில் கூறியிருப்பதாவது: மன்னார்குடியில் இயங்கும் மாவட்ட அரசு தலைமை மருத்துவமனையின் எதிரே உள்ள சாலையில் தினம்தோறும் நூற்றுக்கணக்கான கனரக வாகனங்களும், பேருந்துகள், கார் மட்டும் இருசக்கர வாகனங்கள் செல்கின்றன. வேகத்தடை இல்லாத காரணத்தினால் அடிக்கடி விபத்துகள் நடக்கிறது. மேலும் மருத்துவமனைக்கு வரும் நோயாளிகள் வயதானவர்கள், கர்ப்பிணிகள் சாலையை கடக்க பெரிதும் சிரமப்படுகின்றனர். அதனால் மருத்துவமனையின் பிரதான வாயில் எதிரே உள்ள சாலையின் இருபுறமும் வேகத்தடைகளை நிறுவ வேண்டும்.தற்போது மழைக்காலம் என்பதால் நகரத்தில் உள்ள அனைத்து தெருக்களிலும் தேங்கியுள்ள குப்பைகளால் துர்நாற்றம் வீசுகிறது.இதனால் கொசுக்கள் உற்பத்தியாகி டெங்கு உள்ளிட்ட பல்வேறு வகையான நோய் கிருமிகளை பரப்புவதால் குப்பைகளை அன்றாடம் அகற்ற நடவடிக்கை எடுக்க வேண்டும். முக்கியமாக குப்பைகளை சேகரிக்கும் வண்டிகளை பாரபட்சமின்றி அனைத்து தெருக்களுக்கும் அனுப்ப வேண்டும். இவ்வாறு மனுவில் குறிப் பிடப் பட்டுள்ளது.


மேலும் செய்திகள்

Like Us on Facebook Dinkaran Daily News
  • 07-12-2019

    07-12-2019 இன்றைய சிறப்பு படங்கள்

  • RioStarFerrisWheel

    பார்வையாளர்களுக்காக விரைவில் திறக்கப்படவுள்ள ரியோ டி ஜெனிரோவின் பிரம்மாண்ட ராட்டினம்: வியப்பூட்டும் புகைப்படங்கள்

  • ambedh_day11

    இந்திய அரசியல் சாசனத்தின் தந்தை டாக்டர் அம்பேத்கரின் நினைவு தினம்: குடியரசுத்தலைவர், பிரதமர் உள்ளிட்டோர் மரியாதை!

  • SydneyOrangeSky19

    ஆஸ்திரேலிய வனப்பகுதியில் ஏற்பட்ட தீயின் புகையால் ஆரஞ்சு நிறமாக காட்சியளிக்கும் சிட்னி வான் பகுதி: புகைப்படங்கள்

  • victoriafallsdry2019

    தென் ஆப்ரிக்காவில் நிலவும் வறட்சி: விக்டோரியா அருவியில் 25 ஆண்டுகளில் இல்லாத அளவில் குறைந்த தண்ணீர் வரத்து

படங்கள் வீடியோ கல்வி சினிமா ஜோ‌திட‌ம்