SUN குழுமத்திலிருந்து வெளிவரும் காலை நாளிதழ்

சிறைவாசிகள் தயாரித்த காற்றை தூய்மையாக்கும் ‘பேக்’ விற்பனைக்கு வந்தது

10/18/2019 2:50:36 AM

திருச்சி, அக்.18: திருச்சி மத்திய சிறையில் சிறைவாசிகள் மூலம் காற்றை தூய்மைப்படுத்தும் பொருள் தயாரிக்கப்பட்டு, நேற்று முதல் அது விற்பனைக்கு கொண்டு வரப்பட்டது.திருச்சி மத்திய சிறையில் 700 தண்டனை கைதிகள், 600 விசாரணை கைதிகள் உள்ளனர். இங்கு விவசாய பணிகள், இனிப்பு, காரம் தயாரித்தல், பேக்கரி, உணவகம், தையலகம் நடத்துதல் உள்ளிட்ட பணிகளில் கைதிகள் டுபடுத்தப்படுகின்றனர். இதன் ஒரு பகுதியாக ஆயுள் தண்டனை பெற்ற 6 கைதிகள் மூலம் காற்றை தூய்மைப்படுத்தும் பொருள் தயாரிக்கப்பட்டு, அது விற்பனைக்கு கொண்டு வரப்பட்டுள்ளது.தேங்காய் மட்டைகளை கரியாக்கி அவற்றுடன் கார்பன் பஞ்சு, லெனன் ஆகியவற்றை பயன்படுத்தி காற்று பரிவர்த்தனை செய்யும்படி காட்டன் துணியால் பேக் உருவாக்கப்பட்டுள்ளது. வீடுகளில் இதனை அலமாரி, படுக்கை அறை, சமையலறை, வரவேற்பறை, கழிவறை, குளிர்சாதன பெட்டி, காலணிகள், 4 சக்கர வாகனங்களில் வைத்து காற்றை தூய்மைப்படுத்தலாம். இவ்வாறு செய்தால் அலமாரி, பீரோக்களை திறக்கும்போது வாடை வராது. நீண்டதூர பயணத்தின்போது காருக்குள் காற்று மாசுபடுவதை தடுக்கலாம். இந்த பேக் காற்றில் உள்ள மாசுக்களை நீக்கி காற்றை தூய்மையாக்கி ஆரோக்கியமாக வாழ உதவியாக இருக்கும்.

இந்த பொருளை 2 வருடத்துக்கு பயன்படுத்தலாம். மாதந்தோறும் 2 மணி நேரம் சூரிய வெளிச்சத்தில் வைத்து அதன் செயல்பாட்டை புதுப்பித்துக்கொள்ள வேண்டும். இதன் விற்பனையை சிறை அங்காடியில் நேற்று சிறைத்துறை டிஐஜி சண்முகசுந்தரம் துவக்கி வைத்தார். நிகழ்ச்சியில் சிறை கண்காணிப்பாளர் சங்கர், அங்காடி கண்காணிப்பாளர் திருமுருகன் உள்ளிட்டோர் கலந்துகொண்டனர். வெளிச்சந்தையில் 100 கிராம் எடை கொண்ட இந்த பேக்கின் விலை ரூ.400. சிறை அங்காடியில் ரூ.250க்கு விற்கப்படுகிறது.

மேலும் செய்திகள்

Like Us on Facebook Dinkaran Daily News
  • thanajai_mmm

    சாரங்க் ஹெலிகாப்டர்களின் சாகசங்களுடன் தஞ்சை விமான படைதளத்தில் பிரம்மோஸ் ஏவுகணைகளுடன் 6 சுகோய் 30 எம்.கே.ஐ. ரக விமானங்கள் இணைப்பு

  • tejas_prr1

    அதிநவீன சொகுசு வசதிகளை கொண்ட தனியார் ரயிலான, தேஜஸ் அதிவிரைவு ரயிலின் பிரமிப்பூட்டும் படங்கள்

  • longestt_haiii1

    உலகின் நீண்ட கூந்தலை வளர்த்து கின்னஸ் புத்தகத்தில் இடம் பிடித்த குஜராத் மாணவி!!

  • loustt_afrriii11

    காப்பான் படப் பாணியில் ஆப்பிரிக்காவில் ‘லோகஸ்ட’ வெட்டுக்கிளி தாக்குதல்…! : உணவு பஞ்சம் ஏற்படும் அபாயம்

  • kerlaa_cakke1

    கேரளாவில் 1000க்கும் மேற்பட்ட கேக் வல்லுநர்கள் உருவாக்கிய உலகின் மிக நீளமான கேக் : வியக்கத்தக்க படங்கள்

படங்கள் வீடியோ கல்வி சினிமா ஜோ‌திட‌ம்