SUN குழுமத்திலிருந்து வெளிவரும் காலை நாளிதழ்

சிறுமி பரிதாப பலி விபத்து ஏற்படுத்திய 2 வாலிபர்களை கைது செய்யகோரி சாலை மறியல் போலீசில் 2 பேர் சரண்

10/18/2019 12:53:30 AM

பேராவூரணி, அக். 18: பேராவூரணி அருகே ஆவணம் பெரியநாயகிபுரம் கிராமத்தில் விபத்தில் சிறுமியின் சாவுக்கு காரணமானவர்களை கைது செய்யக்கோரி சாலை மறியல் போராட்டம் நடந்தது. பேராவூரணி அடுத்த ஆவணம் பெரியநாயகிபுரத்தை சேர்ந்த அருண்குமார் மகள் சுவேதா (3). இவர் கடந்த 11ம் தேதி ஆவணம்- நெடுவாசல் செல்லும் சாலையோரம் நின்று கொண்டிருந்தார். அப்போது அடையாளம் தெரியாத இருசக்கர வாகனம் மோதியதில் சுவேதா படுகாயமடைந்தார். இதையடுத்து சிறுமியை மீட்டு தஞ்சை அரசு மருத்துவக்கல்லூரி மருத்துவமனையில் சேர்த்தனர்.
அங்கு சிகிச்சை பலனின்றி சுவேதா இறந்தார். இதுகுறித்து திருச்சிற்றம்பலம் போலீசில் அருண்குமார் புகார் செய்தார். இதையடுத்து விபத்தை ஏற்படுத்தி விட்டு தப்பியோடியவர்களை அந்த பகுதியில் உள்ள சிசிடிவி கேமரா மூலம் அடையாளம் கண்டுபிடித்து போலீசாரிடம் கூறினர்.

ஆனால் விபத்துக்கு காரணமானவர்களை போலீசார் கைது செய்யவில்லை. இதனால் ஆத்திரமடைந்த உறவினர்கள் மற்றும் பொதுமக்கள் சேர்ந்து ஆவணத்தில் உள்ள பேராவூரணி ஊராட்சி ஒன்றிய அலுவலகம் முன் சாலை மறியலில் ஈடுபட்டனர். இந்த தகவல் கிடைத்ததும் விபத்துக்கு காரணமான நெடுவாசல் மேலத்தெருவை சேர்ந்த மனோஜ்குமார் (23), வடக்கு தெருவை சேர்ந்த குணசேகரன் மகன் செந்தமிழரசன் (19) ஆகியோர் திருச்சிற்றம்பலம் காவல் நிலையத்தில் சரணடைந்தனர். போலீசார் வழக்குப்பதிந்து விசாரணை நடத்தி வருகின்றனர். இதையடுத்து சாலை மறியலில் ஈடுபட்ட பொதுமக்கள் கலைந்து சென்றனர்.

மேலும் செய்திகள்

Like Us on Facebook Dinkaran Daily News
  • hailnewzealand

    நியூஸிலாந்தில் ஆலங்கட்டி மழை: ஒவ்வொன்றும் கோல்ஃப் பந்து அளவில் இருப்பதால் வீடுகள் சேதம்

  • petroliranprotest

    பெட்ரோல் விலை உயர்வை கண்டித்து ஈரான் மக்கள் நடத்தி வரும் போராட்டத்தில் இதுவரை 106 பேர் கொல்லப்பட்டதாக பரபரப்பு தகவல்

  • christmascele

    லண்டன், நியூயார்க் உள்ளிட்ட இடங்களில் களைகட்ட தொடங்கியுள்ள கிறிஸ்துமஸ் கொண்டாட்டம்!

  • ausfire2011

    ஆஸ்திரேலியாவில் மிகவும் மோசமடைந்துள்ள காட்டுத்தீ: பல்லாயிரம் ஏக்கர் கணக்கில் நிலங்கள் தீக்கரையானது!

  • goalmineexplodechina

    சீனாவில் உள்ள நிலக்கரி சுரங்கத்தில் திடீரென ஏற்பட்ட வெடி விபத்தால் 15 பேர் பலியான சோகம்!

படங்கள் வீடியோ கல்வி சினிமா ஜோ‌திட‌ம்