SUN குழுமத்திலிருந்து வெளிவரும் காலை நாளிதழ்

5வது மாடியிலிருந்து குதித்து கைதி தற்கொலை முயற்சி

10/18/2019 12:38:31 AM

தண்டையார்பேட்டை: நீலகிரி மாவட்டத்தை சேர்ந்தவர் மணிகண்டன் (46). கடந்த மாதம் குற்ற வழக்கு ஒன்றில் போலீசார் இவரை கைது செய்து, சிறையில் அடைத்தனர். இந்நிலையில், கடந்த 14ம் தேதி இவருக்கு கடும் தலைவலி ஏற்பட்டதால், போலீசார் இவரை சென்னை கீழ்ப்பாக்கம் அரசு மருத்துவமனையில் அனுமதித்தனர். அங்கு, டாக்டர்கள் பரிசோதனையில் இவரது மூளையில் கட்டி இருப்பது தெரியவந்தது. இதையடுத்து, மேல் சிகிச்சைக்காக ஸ்டான்லி அரசு மருத்துவமனையின் நரம்பியல் துறையில் அனுமதித்தனர். அங்கு, 5வது மாடியில் போலீஸ் பாதுகாப்புடன் சிகிச்சை பெற்று வந்தார்.

இந்நிலையில், நேற்று மாலை சிறுநீர் கழிக்க செல்வதாக கூறிவிட்டு சென்ற மணிகண்டன், திடீரென 5வது மாடியிலிருந்து கீழே குதித்து தற்கொலைக்கு முயன்றார். இதை பார்த்து அதிர்ச்சியடைந்த போலீசார், உடனடியாக கீழே சென்று, படுகாயமடைந்த மணிகண்டனை மீட்டு, அவசர சிகிச்சை பிரிவில் அனுமதித்தனர்.  அங்கு அவருக்கு சிகிச்சை அளிக்கப்பட்டு வருகிறது. இவர், தற்கொலைக்கு முயன்றதற்கான காரணத்தை போலீசார் விசாரித்து வருகின்றனர்.

மேலும் செய்திகள்

Like Us on Facebook Dinkaran Daily News
  • hailnewzealand

    நியூஸிலாந்தில் ஆலங்கட்டி மழை: ஒவ்வொன்றும் கோல்ஃப் பந்து அளவில் இருப்பதால் வீடுகள் சேதம்

  • petroliranprotest

    பெட்ரோல் விலை உயர்வை கண்டித்து ஈரான் மக்கள் நடத்தி வரும் போராட்டத்தில் இதுவரை 106 பேர் கொல்லப்பட்டதாக பரபரப்பு தகவல்

  • christmascele

    லண்டன், நியூயார்க் உள்ளிட்ட இடங்களில் களைகட்ட தொடங்கியுள்ள கிறிஸ்துமஸ் கொண்டாட்டம்!

  • ausfire2011

    ஆஸ்திரேலியாவில் மிகவும் மோசமடைந்துள்ள காட்டுத்தீ: பல்லாயிரம் ஏக்கர் கணக்கில் நிலங்கள் தீக்கரையானது!

  • goalmineexplodechina

    சீனாவில் உள்ள நிலக்கரி சுரங்கத்தில் திடீரென ஏற்பட்ட வெடி விபத்தால் 15 பேர் பலியான சோகம்!

படங்கள் வீடியோ கல்வி சினிமா ஜோ‌திட‌ம்