SUN குழுமத்திலிருந்து வெளிவரும் காலை நாளிதழ்

செங்கல்பட்டு குப்பை கிடங்கை விரிவாக்கம் செய்வதற்காக குடியிருப்புகளை அகற்ற கூடாது

10/18/2019 12:35:37 AM

செங்கல்பட்டு, அக். 18: செங்கல்பட்டு  நகராட்சி பச்சையம்மன் கோயில் அருகே குப்பை கிடங்கு செயல்படுகிறது. இந்த கிடங்கில், தினமும் சுமார் 50 டன் குப்பை கழிவுகள் சேமிக்கப்படுகின்றன. இதனால், நகராட்சி அதிகாரிகள் குப்பை கிடங்கை விரிவாக்கம் செய்யும் நோக்கில், அதன் அருகே உள்ள அம்பேத்கர் தெருவில்  30 ஆண்டுகளுக்கும் மேலாக வசிக்கும் 500க்கு மேற்பட்ட குடும்பங்களை காலி செய்துவிட்டு, இந்த பகுதியை  முன்னறிவிப்பின்றி நகராட்சி அதிகாரிகள் கையகப்படுத்த கடந்த 3 நாட்களாக ஆய்வு செய்து, குடியிருப்புகளையும் அளவீடு செய்தனர். இதற்கு எதிப்பு தெரிவித்து, அப்பகுதி மக்கள் கடந்த 3  நாட்களாக நகராட்சியில் மனு கொடுத்தும்,  அலுவலகத்தை முற்றுகையிட்டு ஆர்ப்பாட்டமும் நடத்தினர். ஆனால் அதிகாரிகள், நேற்று  மீண்டும் குடியிருப்பு பகுதிகளை ஆய்வு செய்தனர்.  இதனால், அப்பகுதி மக்கள் தங்களது குடியிருப்புகள்   எந்த நேரத்திலும் அகற்றப்படும் என அச்சமடைந்துள்ளனர்.

இந்நிலையில், விடுதலை சிறுத்தைகள் கட்சி  தலைவர்  திருமாவளவன், நேற்று பச்சையம்மன் கோயில் அருகில் உள்ள குடியிருப்பு பகுதிகளை ஆய்வு செய்தார். அப்போது, அங்குள்ள பொதுமக்களின் கோரிக்கைகளை கேட்டறிந்தார். அப்போது, பொதுமக்கள் சார்பில், 30 ஆண்டுகளுக்கு மேலாக 500 குடும்பங்கள்  வசிக்கிறோம். தற்போது குப்பை கிடங்கு விரிவாக்கத்துக்காக எங்களது வீடுகளை காலி செய்ய அதிகாரிகள் திட்டமிடுகின்றனர். எங்களது வாழ்வாதாரமான குடியிருப்பை அகற்ற கூடாது என கோரிக்கை மனு கொடுத்தனர். அந்த மனுவை பெற்றுக் கொண்ட திருமாவளவன், ஏழைகளின் குடியிருப்புகளை அதிகாரிகள் அகற்றக் கூடாது. குப்பை கிடங்கை பொதுமக்களுக்கு இடையூறு இல்லாத இடத்துக்கு மாற்ற வேண்டும். இது சம்பந்தமாக கலெக்டரிடம் பேசி, தீர்வு காண்பதாக உறுதியளித்தார்.

மேலும் செய்திகள்

Like Us on Facebook Dinkaran Daily News
  • nisarkaa4

    மகாராஷ்டிராவை நிலைகுலைய வைத்த நிசர்கா புயல்: ஆட்டம் கண்ட கப்பல்கள்; மின்னல் தாக்கி பற்றி எரிந்த மரம்!

  • gujarat4

    குஜராத் மாநிலத்தில் வேதிப்பொருள் ஆலையில் கொதிகலன் வெடித்து விபத்து: 8 பேர் பரிதாப பலி..30க்கும் மேற்பட்டோர் படுகாயம்!!!

  • ballon3

    பிரேசில் நாட்டில் கொரோனாவால் உயிரிழந்தவர்களுக்கு மரியாதை செலுத்தும் வகையில் வானில் பறக்கவிடப்பட்ட பலூன்கள்: புகைப்படங்கள்

  • police3

    அமெரிக்காவில் 8-வது நாளாக தணியாத போராட்டம்: அமைதி போராட்டத்தில் மண்டியிட்டு ஆதரவு அளித்த போலீசார்!!!

  • mkstalin3

    மறைந்த முன்னாள் முதல்வர் கருணாநிதியின் 97வது பிறந்தநாளையொட்டி மெரினா கடற்கரையில் உள்ள அவரது நினைவிடத்தில் மு.க.ஸ்டாலின் மரியாதை!!!

படங்கள் வீடியோ கல்வி சினிமா ஜோ‌திட‌ம்