SUN குழுமத்திலிருந்து வெளிவரும் காலை நாளிதழ்

மாநகரில் கொட்டி தீர்த்தது பருவமழை

10/18/2019 12:09:22 AM

கோவை, அக்.18: கோவை மாவட்டத்தில் வடகிழக்கு பருவமழை கொட்டி தீர்த்தது. நேற்று மாலை பெய்த மழையினால் பொதுமக்களின் இயல்பு வாழ்க்கை கடுமையாக பாதிக்கப்பட்டது. தமிழகத்தில் பெய்து வந்த தென்மேற்கு பருவமழை முடிந்ததை தொடர்ந்து, ஒரு நாள் முன்னதாக வடகிழக்கு பருவமழை நேற்று முன்தினம் துவங்கியது. இந்நிலையில், கோவை மாவட்டத்தில் நேற்று காலை வானம் மேகமூட்டத்துடன் காணப்பட்டது. பின்னர், ஒரு சில இடங்களில் சாரல் மழை பெய்தது. இதனை தொடர்ந்து, நேற்று மாலை 5 மணிக்கு மேல் மாவட்டம் முழுவதும் கன மழை பெய்ய துவங்கியது. சுமார் 2 மணி நேரத்திற்கும் மேல் இந்த மழை நீடித்தது. இந்த மழையின் காரணமாக பள்ளி, கல்லூரி மாணவ, மாணவிகள், அலுவலக பணியாளர்கள் வீடு திரும்ப முடியாமல் அவதிப்பட்டனர்.

கொட்டி தீர்த்த கனமழையினால், கோவை ரயில் நிலையம், லங்கா கார்னர், அவினாசி மேம்பாலம் கீழ்பகுதி, வடகோவை மேம்பாலம் பகுதிகளில் குளம் போல் தண்ணீர் தேங்கியது. மேலும், வடகோவை சிந்தாமணி, சாய்பாபாகோயில், கலெக்டர் அலுவலகம் உள்ளிட்ட பல்வேறு பகுதிகளில் மழைநீர் ஆறுபோல் சாலையில் ஓடியது. இதனால், வாகன ஓட்டிகள் மிகவும் சிரமப்பட்டனர்.  அவினாசி ரோடு, திருச்சி ரோடு, மேட்டுப்பாளையம் சாலையில் என அனைத்து பகுதிகளிலும் போக்குவரத்து நெரிசல் ஏற்பட்டது. இந்த மழையின் காரணமாக பொதுமக்களின் இயல்பு வாழ்க்கை கடுமையாக பாதிக்கப்பட்டது.

மேலும் செய்திகள்

Like Us on Facebook Dinkaran Daily News
  • hailnewzealand

    நியூஸிலாந்தில் ஆலங்கட்டி மழை: ஒவ்வொன்றும் கோல்ஃப் பந்து அளவில் இருப்பதால் வீடுகள் சேதம்

  • petroliranprotest

    பெட்ரோல் விலை உயர்வை கண்டித்து ஈரான் மக்கள் நடத்தி வரும் போராட்டத்தில் இதுவரை 106 பேர் கொல்லப்பட்டதாக பரபரப்பு தகவல்

  • christmascele

    லண்டன், நியூயார்க் உள்ளிட்ட இடங்களில் களைகட்ட தொடங்கியுள்ள கிறிஸ்துமஸ் கொண்டாட்டம்!

  • ausfire2011

    ஆஸ்திரேலியாவில் மிகவும் மோசமடைந்துள்ள காட்டுத்தீ: பல்லாயிரம் ஏக்கர் கணக்கில் நிலங்கள் தீக்கரையானது!

  • goalmineexplodechina

    சீனாவில் உள்ள நிலக்கரி சுரங்கத்தில் திடீரென ஏற்பட்ட வெடி விபத்தால் 15 பேர் பலியான சோகம்!

படங்கள் வீடியோ கல்வி சினிமா ஜோ‌திட‌ம்