SUN குழுமத்திலிருந்து வெளிவரும் காலை நாளிதழ்

திருப்பூர், நீலகிரி உள்பட 6 மாவட்டங்களில் புதிய அரசு மருத்துவக்கல்லூரி ஆய்வுக்கு சிறப்பு அலுவலர்கள் நியமனம்

10/16/2019 5:48:49 AM

கோவை, அக். 16: தமிழகத்தில் திருப்பூர், நீலகிரி உள்பட 6 மாவட்டங்களில் புதிய அரசு மருத்துவக்கல்லூரி மருத்துவமனை துவங்கவுள்ள நிலையில், இது தொடர்பாக ஆய்வு செய்ய சிறப்பு அலுவலர்கள் நியமிக்கப்பட உள்ளனர்.  மத்திய அரசு நாடு முழுவதும் அரசு மருத்துவக்கல்லூரி மருத்துவமனைகளின் எண்ணிக்கையை அதிகரிக்க திட்டமிட்டுள்ளது. அதன்படி, நாடு முழுவதும் புதியதாக 31 அரசு மருத்துவ கல்லூரி மருத்துவமனைகள் துவங்க முடிவு செய்யப்பட்டு, அதற்கான பட்டியல் தயாரிக்கப்பட்டுள்ளது. இதில், தமிழகத்தில் நீலகிரி, திருப்பூர், நாமக்கல், திண்டுக்கல், விருதுநகர், ராமநாதபுரம் ஆகிய 6 மாவட்டங்களில் புதிய மருத்துவக்கல்லூரி மருத்துவமனை அமைக்கப்படவுள்ளது. இந்த புதிய மருத்துவ கல்லூரிகளில் தலா 150 எம்.பி.பி.எஸ் இடங்கள் நிரப்பப்படும் என தெரிகிறது. இதனால், மாநிலத்தில் உள்ள மருத்துவக்கல்லூரியின் எண்ணிக்கை 30 ஆகவும், எம்.பி.பி.எஸ் இடங்கள் 4,250ஆகவும் அதிகரிக்கவுள்ளது. இந்நிலையில், புதிய மருத்துவக்கல்லூரிகள் துவங்கவுள்ள மாவட்டங்களில் சிறப்பு அலுவலர்கள் நியமித்து ஆய்வு செய்ய அரசு சார்பில் முடிவு செய்துள்ளனர்.
 
அதன்படி, அருகில் உள்ள மருத்துவக்கல்லூரி டீன்கள் சிறப்பு அலுவலர்களாக நியமிக்கப்படவுள்ளனர். இவர்கள், சம்மந்தப்பட்ட மாவட்டங்களில் சென்று மருத்துவக்கல்லூரி அமைவதற்கான சாத்திய கூறுகள் குறித்து ஆய்வு பணிகளை மேற்கொண்டு அறிக்கையை அரசிற்கு அனுப்பவுள்ளனர். இந்த அறிக்கையின் அடிப்படையில் புதிய மருத்துவக்கல்லூரி மருத்துவமனைகள் ஏற்படுத்துவது தொடர்பான இறுதி முடிவு எடுக்கப்படும் என சுகாதாரத்துறை தரப்பில் தெரிவிக்கப்பட்டுள்ளது. திருப்பூர், நீலகிரி மாவட்டங்களுக்கு கோவை அரசு மருத்துவமனையின் டீனும், நாமக்கல் மாவட்டத்திற்கு சேலம் அரசு மருத்துவமனை டீனும், திண்டுக்கல் மாவட்டத்திற்கு மதுரை அரசு மருத்துவமனை டீனும் சிறப்பு அலுவலராக நியமிக்கப்படவுள்ளனர்.

மேலும் செய்திகள்

Like Us on Facebook Dinkaran Daily News
  • varaverppu stage20

    உலகின் மிக பெரிய கிரிக்கெட் மைதானத்தில் நடைபெற்ற பிரமாண்ட நமஸ்தே டிரம்ப் நிகழ்ச்சி : அதிபர் டிரம்ப், மோடி சிறப்புமிக்க உரை ; ஒரு லட்சம் பேர் பங்கேற்பு

  • america athipar2020

    காந்தியின் சபர்மதி ஆசிரமத்தில் ராட்டையை சுழற்றி பார்த்த அதிபர் டிரம்ப்: ஆசிரமத்தின் பெருமைகளை ட்ரம்ப்பிற்கு எடுத்துரைத்தார் பிரதமர் மோடி!!

  • trumb12020

    இந்திய மண்ணில் முதன் முறையாக கால் பதித்த அமெரிக்க அதிபர் ட்ரம்ப்!: அகமதாபாத்தில் ஆரத்தழுவி பிரதமர் மோடி வரவேற்பு!!

  • school20

    ஸ்ரீநகரில் 7 மாதங்களுக்கு பிறகு மீண்டும் இன்று பள்ளிகள் திறப்பு: மாநில கல்வித்துறை இயக்குனர் அறிவிப்பு

  • jaya20

    முன்னாள் முதல்வர் ஜெயலலிதா பிறந்தநாளையொட்டி அவரது திருவுருவ படத்திற்கு ஈ.பி.எஸ்., ஓ.பி.எஸ் உள்ளிட்டோர் மலர் தூவி மரியாதை

படங்கள் வீடியோ கல்வி சினிமா ஜோ‌திட‌ம்