SUN குழுமத்திலிருந்து வெளிவரும் காலை நாளிதழ்

உளுந்தூர்பேட்டை அருகே பரிதாபம் வெளிநாட்டில் இருந்து ஊர் திரும்பியவர் மனைவியுடன் கார் விபத்தில் சிக்கி பலி

10/16/2019 2:42:08 AM

உளுந்தூர்பேட்டை,   அக். 16: உளுந்தூர்பேட்டை அருகே வெளிநாட்டில் இருந்து ஊர் திரும்பியவர்  மனைவியுடன் கார் விபத்தில் சிக்கி பலியானார். அவருடைய மகள் உள்பட 5 பேர்  படுகாயமடைந்தனர்.
சேலம் மாவட்டம் ஆத்தூர் அருகே தாண்டவராயபுரத்தை  சேர்ந்தவர்  நூர்முகம்மது மகன் அசன்முகம்மது(45). சவுதி அரேபியாவில்  வேலை செய்து  வந்துள்ளார். விடுமுறைக்காக வெளிநாட்டில் இருந்து விமானம்  மூலம் சென்னை  வந்தவரை மனைவி சபீதாகனி (38) உள்ளிட்ட உறவினர்கள் ஒரு காரில்  சென்னை விமான  நிலையம் சென்று அங்கிருந்து நேற்று அதிகாலை அழைத்துக்கொண்டு   திரும்ப வந்து கொண்டு இருந்தனர். இந்த காரை சிவக்குமார் (36) என்பவர் ஓட்டி   வந்துள்ளார். காலை 7 மணிக்கு உளுந்தூர்பேட்டையை அடுத்த ஒலையனூர் என்ற   இடத்தில் கார் சென்று கொண்டு இருந்த போது திடீரென காரின் முன்பக்க டயர்   வெடித்ததில் கார் நிலைதடுமாறி சாலையின் நடுவே இருந்த தடுப்பு கட்டையில்   மோதி விபத்துக்குள்ளானது. இதில் கார் தலைக்குப்புற கவிழ்ந்து நொறுங்கியதில்   அசன்முகம்மது மற்றும் அவருடைய மனைவி சபீதாகனி (38), மகள் சபீராபானு(13)   மற்றும் உறவினர்கள் ஜலால்(24), பாத்திமா(29), சாகிராபானு(29), டிரைவர் சிவக்குமார் உள்ளிட்ட 7 பேரும் படுகாயம் அடைந்தனர்.

சம்பவ  இடத்திற்கு சென்ற  உளுந்தூர்பேட்டை போலீசார் படுகாயம் அடைந்தவர்களை மீட்டு  உளுந்தூர்பேட்டை  அரசு மருத்துவமனையில் சேர்க்கப்பட்டு சிகிச்சை அளித்தனர்.  இதில் சிகிச்சை  பலனின்றி அசன்முகம்மது உயிரிழந்தார். பலத்த காயமடைந்த  சபீதாகனி, டிரைவர் சிவக்குமார் ஆகிய 2 பேரையும் விழுப்புரம் முண்டியம்பாக்கம் அரசு  மருத்துவமனையில்  சேர்க்கப்பட்டு தீவிர சிகிச்சை அளிக்கப்பட்டது.  அங்கு சபீதாகனி இறந்தார், இதற்கிடையே டிரைவர் சிவக்குமார் மேல்சிகிச்சைக்காக புதுவை ஜிப்மர் மருத்துவமனையில் அனுமதிக்கப்பட்டுள்ளார். இந்த விபத்து குறித்து உளுந்தூர்பேட்டை இன்ஸ்பெக்டர் எழிலரசி வழக்கு  பதிந்து விசாரணை செய்து வருகிறார்.

மேலும் செய்திகள்

Like Us on Facebook Dinkaran Daily News
  • nisarkaa4

    மகாராஷ்டிராவை நிலைகுலைய வைத்த நிசர்கா புயல்: ஆட்டம் கண்ட கப்பல்கள்; மின்னல் தாக்கி பற்றி எரிந்த மரம்!

  • gujarat4

    குஜராத் மாநிலத்தில் வேதிப்பொருள் ஆலையில் கொதிகலன் வெடித்து விபத்து: 8 பேர் பரிதாப பலி..30க்கும் மேற்பட்டோர் படுகாயம்!!!

  • ballon3

    பிரேசில் நாட்டில் கொரோனாவால் உயிரிழந்தவர்களுக்கு மரியாதை செலுத்தும் வகையில் வானில் பறக்கவிடப்பட்ட பலூன்கள்: புகைப்படங்கள்

  • police3

    அமெரிக்காவில் 8-வது நாளாக தணியாத போராட்டம்: அமைதி போராட்டத்தில் மண்டியிட்டு ஆதரவு அளித்த போலீசார்!!!

  • mkstalin3

    மறைந்த முன்னாள் முதல்வர் கருணாநிதியின் 97வது பிறந்தநாளையொட்டி மெரினா கடற்கரையில் உள்ள அவரது நினைவிடத்தில் மு.க.ஸ்டாலின் மரியாதை!!!

படங்கள் வீடியோ கல்வி சினிமா ஜோ‌திட‌ம்