SUN குழுமத்திலிருந்து வெளிவரும் காலை நாளிதழ்

குரங்கணி காவல்நிலையம் அருகே கஞ்சா, ‘சரக்கு’ விற்பனை ஜோர்

10/10/2019 6:41:06 AM

போடி, அக். 10: குரங்கணி காவல்நிலையம் அருகே கஞ்சாவும், டாஸ்மாக் சரக்கும் படுஜோராக விற்பனையாவதாக பொதுமக்கள் புகார் தெரிவித்துள்ளனர். நடவடிக்கை எடுக்க வேண்டிய போலீசார் பாராமுகமாய் இருப்பதால் மக்கள் கடும் அதிருப்தியில் உள்ளனர்.போடி அருகே மேற்கு தொடர்ச்சி  மலைப்பகுதியில் கொட்டகுடி கிராமம் உள்ளது. நரிப்பட்டி, குரங்கணி, கொழுக்குமலை, முட்டம், சென்ட்ரல், முதுவாக்குடி, டாப்டேஷன்  உட்கிடை கிராமங்களில் 7 ஆயிரத்திற்கும் மேற்பட்ட மக்கள் வசிக்கின்றனர். மலையும், மழை சார்ந்த இடமுமாக இருப்பதால் எப்போதும் குளிரும், வெயிலும் சரிசமமாக இருக்கும்.இதனால் இந்த மலைப்பகுதிகளில் கஞ்சா விற்பனை டாப்ஸ்டேஷன் வரை சர்வசாதாரணமாக நடக்கிறது. அதே போல டாஸ்மாக் சரக்கை  மொத்தமாக வாங்கி குரங்கணி மலைப்பகுதிகளில் பதுக்கின்றனர். குரங்கணி காவல் நிலையம் செல்லும் பாதையிலேயே டாஸ்மாக் சரக்குகளை பயமின்றி கூடுதல் விலைக்கு சிலர் விற்று வருகின்றனர். இதனால் தோட்ட வேலைக்கு செல்லும் தொழிலாளர்கள் போதையின் பிடியில் சிக்கி வருகின்றனர்.

கஞ்சா மற்றும் டாஸ்மாக் சரக்குகளை அனுமதியின்றி விற்பதையும் போலீசார் கண்டும் காணாமலும் இருப்பதால், கிடைக்கின்ற கூலியை போதைக்கு செலவழித்து விட்டு கணவன்மார்கள் வீடு திரும்புவதாக பெண்கள் புலம்புகின்றனர்.
இதுகுறித்து குரங்கணி காவல்நிலையத்தில் புகார் செய்தும் அவர்கள் பாராமுகமாய் இருப்பதால் பொதுமக்கள் கடும் அதிருப்தியில் உள்ளனர். எனவே, குரங்கணி காவல்நிலையம் அருகே கஞ்சா, டாஸ்மாக் சரக்கு விற்பவர்கள் மீது தேனி எஸ்பி பாஸ்கரன் நடவடிக்கை எடுக்க வேண்டும் என்று பொதுமக்கள் வலியுறுத்தியுள்ளனர்.

மேலும் செய்திகள்

Like Us on Facebook Dinkaran Daily News
  • spain_makklll1

    ஸ்பெயினில் குளோரியா சூறாவளியால் கடல் கொந்தளிப்பு : அலைகளுடன் நுரை புகுந்ததால் பொதுமக்கள் அவதி

  • 23-01-2020

    23-01-2020 இன்றைய சிறப்பு படங்கள்

  • philip_animmm1

    பிலிப்பைன்ஸ் நாட்டில் எரிமலை பாதிப்பிலிருந்து மீட்கப்பட்ட விலங்குகள் : பண்ணையில் வைத்து பராமரிக்கும் தன்னார்வலர்கள்

  • great_pop

    தனது 4 கொள்ளுப் பேரப்பிள்ளைகளுடன் வசந்த காலத்தை கொண்டாடும் உலகின் வயதான பாண்டா!! : அழகிய படங்கள்

  • asussie_stormmm1

    புதர் தீ, வெள்ளம், ஆலங்கட்டி மழை, புழுதிப் புயல்... ஆக்ரோஷ காலநிலை மாற்றத்தால் வெம்மி வெதும்பும் ஆஸ்திரேலிய மக்கள்

படங்கள் வீடியோ கல்வி சினிமா ஜோ‌திட‌ம்