SUN குழுமத்திலிருந்து வெளிவரும் காலை நாளிதழ்

பழநி நகராட்சியில் 60 மெட்ரிக் டன் ஆயுதபூஜை குப்பைகள் அகற்றம்

10/10/2019 6:24:22 AM

பழநி, அக். 10: பழநியில் 60 மெட்ரிக் டன் அளவிலான ஆயுதபூஜை குப்பைகள் நகராட்சி நிர்வாகத்தால் அகற்றப்பட்டுள்ளன. பழநி நகரில் 33 வார்டுகள் உள்ளன. 256 தெருக்கள் உள்ளன. நகராட்சியில் 2011ம் ஆண்டு கணக்கெடுப்பின்படி மக்கள் தொகை 70 ஆயிரத்து 456 ஆகும். சுகாதாரப்பணிகளுக்காக பழநி நகராட்சி 6 மண்டலங்களாக பிரிக்கப்பட்டு ஒரு பிரிவிற்கு 1 துப்புரவு ஆய்வாளர், இரு துப்புரவு பணி மேற்பார்வையாளர்கள் வீதம் 6 பிரிவுகளுக்கு 139 நிரந்தர துப்புரவு பணியாளர்களுக்கும் 105 தனியார் மூலம் துப்புரவு பணிகள் மேற்கொள்ளும் பணியாளர்களும் என 244 துப்புரவு பணியாளர்களைக் கொண்டு நகரில் துப்புரவு பணிகள் மேற்கொள்ளப்பட்டு வருகின்றன.

தற்போது ஆயுதபூஜை, சரஸ்வதி பூஜை போன்ற பண்டிகை காலங்களில் வெளியிலிருந்து வரும் வாழை மரம், மா இழை மற்றும் பூஜைகளுக்காக மக்கள் சுத்தம் செய்து போடும் குப்பைகள் என நகர் முழுவதும் ஆங்காங்கே குப்பைகள் மலைபோல் தேங்கிக் கிடக்கின்றன. இவற்றை அப்புறப்படுத்தும் பணியில் நகராட்சி நிர்வாகத்தினர் ஈடுபட்டுள்ளனர். முதற்கட்டமாக நேற்று சுமார் 60 மெட்ரிக் டன் அளவிலான குப்பைகள் அகற்றப்பட்டது. தொடர்ந்து குப்பைகளை அகற்றும் பணி நடந்து வருகின்றன.இனிவரும் காலங்களில் குப்பைகளை வெளியே கொட்டாமல், குப்பை தொட்டிகளில் மட்டும் கொட்ட வேண்டுமென்றும், மீறுபவர்கள் மீது அபராதம் விதிக்க நடவடிக்கை எடுக்கப்படுமென நகராட்சி அதிகாரிகள் எச்சரித்துள்ளனர்.

மேலும் செய்திகள்

Like Us on Facebook Dinkaran Daily News
  • 07-12-2019

    07-12-2019 இன்றைய சிறப்பு படங்கள்

  • RioStarFerrisWheel

    பார்வையாளர்களுக்காக விரைவில் திறக்கப்படவுள்ள ரியோ டி ஜெனிரோவின் பிரம்மாண்ட ராட்டினம்: வியப்பூட்டும் புகைப்படங்கள்

  • ambedh_day11

    இந்திய அரசியல் சாசனத்தின் தந்தை டாக்டர் அம்பேத்கரின் நினைவு தினம்: குடியரசுத்தலைவர், பிரதமர் உள்ளிட்டோர் மரியாதை!

  • SydneyOrangeSky19

    ஆஸ்திரேலிய வனப்பகுதியில் ஏற்பட்ட தீயின் புகையால் ஆரஞ்சு நிறமாக காட்சியளிக்கும் சிட்னி வான் பகுதி: புகைப்படங்கள்

  • victoriafallsdry2019

    தென் ஆப்ரிக்காவில் நிலவும் வறட்சி: விக்டோரியா அருவியில் 25 ஆண்டுகளில் இல்லாத அளவில் குறைந்த தண்ணீர் வரத்து

படங்கள் வீடியோ கல்வி சினிமா ஜோ‌திட‌ம்