SUN குழுமத்திலிருந்து வெளிவரும் காலை நாளிதழ்

மணல் கடத்திய 2 பேர் கைது

10/9/2019 8:07:26 AM

திண்டிவனம், அக். 9: திண்டிவனம் உட்கோட்டம் ஒலக்கூர் காவல் நிலையத்திற்கு உட்பட்ட ஓங்கூர், தாணாங்குப்பம், கடவம்பாக்கம் ஆகிய பகுதிகளில் தொடர்ந்து மணல் கடத்தப்படுவதாக துணை கண்காணிப்பாளர் கனகேஸ்வரிக்கு ரகசிய தகவல் கிடைத்தது. அதனடிப்படையில் ஒலக்கூர் காவல்நிலைய உதவி ஆய்வாளர் ராதாகிருஷ்ணன் தலைமையிலான போலீசார் தீவிர கண்காணிப்பில் ஈடுபட்டு வந்தனர். நேற்று முன்தினம் கடவம்பாக்கம் ஆற்றுப்பகுதியில் ரோந்து சென்றபோது ஆற்றில் 4 மாட்டு வண்டிகளை கொண்டு மணல் ஏற்றிக் கொண்டிருந்தனர். அப்போது போலீசாரை பார்த்தவுடன் தப்பி ஓடினர். விரட்டி சென்ற போலீசார் இருவரை பிடித்தனர்.

பிடிபட்ட இருவர் மற்றும் நான்கு மாட்டு வண்டிகளை மணலுடன் காவல் நிலையத்திற்கு அழைத்து சென்று விசாரணை நடத்தினர். விசாரணையில் காஞ்சிபுரம் மாவட்டம் செய்யாறு தாலுகா முகந்தகிரி கிராமத்தை சேர்ந்த பெருமாள் மகன் ஏழுமலை(39), செய்யூர் தாலுகா எரவாநல்லூர் கிராமத்தை சேர்ந்த வெண்ணை மகன் ஏழுமலை(50) என்பது தெரியவந்தது. இவர்கள் இருவர் மீதும் வழக்கு பதிவு செய்து சிறையில் அடைத்தனர். மேலும் தப்பி ஓடிய காஞ்சிபுரம் மாவட்டம் செய்யூர் தாலுகா நெற்குணம் கிராமத்தை சேர்ந்த ராமமூர்த்தி, அதே ஊரை சேர்ந்த அய்யனாரப்பன் ஆகியோரை போலீசார் தேடி வருகின்றனர்.

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்