SUN குழுமத்திலிருந்து வெளிவரும் காலை நாளிதழ்

காலிப்பணியிடம் நிரப்பக் கோரி வருவாய்த்துறை அலுவலர் சங்கம் உள்ளிருப்பு போராட்டம்

10/2/2019 12:12:01 AM

புதுக்கோட்டை, அக்.2: புதுக்கோட்டை மாவட்டத்தில் காலியாக உள்ள துணை வட்டாட்சியர் பணியிடங்களை நிரப்ப வேண்டுமென வலியுறுத்தி கலெக்டர் அலுவலகம் உட்பட 13 இடங்களில் வருவாய்த் துறை அலுவலர்கள் நேற்று உள்ளிருப்பு போராட்டத்தில் ஈடுபட்டனர்.புதுக்கோட்டை மாவட்டத்தில் வருவாய்த் துறையில் மொத்தம் உள்ள 54 துணை வட்டாட்சியர் பணியிடங்களில் 38 பணியிடங்கள் காலியாக உள்ளன.இப்பணியிடங்கள் பல ஆண்டுகளாக நிரப்பப்படவில்லை. இதனால் பணிகள் பாதிக்கப்படுவதோடு, கூடுதல் பொறுப்புகளைக் கவனிப்போருக்கு பணிச்சுமை ஏற்படுகிறது. காலிப் பணியிடங்களை நிரப்பக்கூடாதென எவ்வித தடை ஆணையும் இல்லை.எனவே, காரணமே இல்லாமலே காலிப்பணியிடங்களை நிரப்பாமல் இருப்பதை கண்டித்து கடந்த மாதம் காத்திருப்பு போராட்டம் நடத்தப்பட்டது. பின்னர், நேற்று முன்தினம் ஆர்ப்பாட்டம் நடத்தப்பட்டது.எனினும், தீர்வு ஏற்படாததால் தமிழ்நாடு வருவாய்த் துறை அலுவலர்கள் சங்கத்தினர், ஆட்சியர் அலுவலகத்தில் உள்ளிருப்பு போராட்டத்தில் ஈடுபட்டனர். போராட்டத்துக்கு சங்கத்தின் வட்டத் தலைவர் தீபன் தலைமை வகித்தார். இதில், ஏராளமானோர் கலந்து கொண்டனர். இதேபோன்று, நேற்று மாவட்டத்தில் உள்ள புதுக்கோட்டை, அறந்தாங்கி, ஆலங்குடி, குளத்தூர், இலுப்பூர், பொன்னமாராவதி, கந்தர்வக்கோட்டை என 12 தாசில்தார் அலுவலகங்களிலும் போராட்டம் நடைபெற்றது. ஒரே நேரத்தில் மாவட்டத்தில் உள்ள அனைத்து வருவாய்த் துறை அலுவலகங்களிலும் அலுவலர்கள் போராட்டத்தில் ஈடுபட்டனர்.


மேலும் செய்திகள்

Like Us on Facebook Dinkaran Daily News
  • 24-01-2020

    24-01-2020 இன்றைய சிறப்பு படங்கள்

  • koalaa_ausiiee

    ஆஸ்திரேலியாவில் தீ காயங்களுடன் எண்ணற்ற கோலா கரடிகள் மீட்பு : குழந்தை போல் கையாளப்பட்டு சிகிச்சை அளிப்பு

  • nasaa_spaacee1

    விண்வெளியில் நடந்தபடியே சர்வதேச விண்வெளி மையத்தில் பேட்டரியை மாற்றி நாசா வீராங்கனைகள் சாதனை

  • aussie_nidhii11

    தீயணைப்பு வீரர்களுக்கு நிதி திரட்டுவதற்காக, கால்பந்து மைதானத்தை விட நீளமான பிரம்மாண்ட பீட்சா தயாரிப்பு : ஆஸ்திரேலியாவில் ருசிகரம்

  • isro_spaacc11

    ககன்யான் திட்டத்தில் விண்வெளிக்கு அனுப்பப்படும் பெண் ரோபோ வியோ மித்ராவை அறிமுகம் செய்தது இஸ்ரோ

படங்கள் வீடியோ கல்வி சினிமா ஜோ‌திட‌ம்