SUN குழுமத்திலிருந்து வெளிவரும் காலை நாளிதழ்

யானைகள் தண்ணீர் குடிக்க வசதியாக குளம் அமைக்கும் பணியில் வனத்துறையினர் மும்முரம்

9/30/2019 8:35:55 AM

ஓசூர், செப்.30: வனப்பகுதியில், யானைகள் தண்ணீர் குடிக்க வசதியாக தடுப்பணைகளை தூர்வாரி குளம் அமைக்கும் பணியில் வனத்துறையினர் தீவிரமாக ஈடுபட்டுள்ளனர்.ஓசூர் வனப்பகுதியில், ஒவ்வொரு ஆண்டும் அக்டோபர் மாதம் முதல் பிப்ரவரி மாதம் வரை, யானைகள் கூட்டமாக வந்து முகாமிடுவது வழக்கம். ஓசூர் வனப்பகுதியுடன் ஆந்திரா, கர்நாடகம் உள்ளிட்ட  வனப்பகுதிகளும் இணைந்து உள்ளது. கால நிலைக்கு ஏற்ப, யானைகள் அடிக்கடி இடம் மாறி கர்நாடகா மற்றும் ஓசூர் வனப்பகுதிக்கு வந்து விடுகிறது. இரவு நேரங்களில் உணவு, தண்ணீர் தேடி சானமாவு, பீர்ஜேப்பள்ளி, ராமபுரம் உள்ளிட்ட  கிராமங்களில் நுழைந்து, பயிர்களை சேதப்படுத்துவது தொடர் கதையாக உள்ளது.

தற்போது, மாவட்டத்தில் பரவலாக மழை பெய்து வருவதால் சானமாவு வனப்பகுதிக்குள் உள்ள ஏரி, குளம், தடுப்பணைகளை தூர்வாரும் பணியில், வனத்துறையினர் மும்முரமாக ஈடுபட்டுள்ளனர். மேலும், ஏரிக்கரைகளை பலப்படுத்தி, தண்ணீர் நிரப்பும் பணிகளை மேற்கொண்டு வருகின்றனர். இதன் மூலம் யானைகள் கிராமத்திற்குள் நுழைவது தடுக்கப்படும். மேலும், எந்த இடையூறுமின்றி மற்ற வன விலங்குகளுக்கும் தண்ணீர் தட்டுப்பாடின்றி கிடைக்கும் என வனத்துறையினர் தெரிவித்தனர்.

மேலும் செய்திகள்

Like Us on Facebook Dinkaran Daily News
  • 08-12-2019

    08-12-2019 இன்றைய சிறப்பு படங்கள்

  • 07-12-2019

    07-12-2019 இன்றைய சிறப்பு படங்கள்

  • RioStarFerrisWheel

    பார்வையாளர்களுக்காக விரைவில் திறக்கப்படவுள்ள ரியோ டி ஜெனிரோவின் பிரம்மாண்ட ராட்டினம்: வியப்பூட்டும் புகைப்படங்கள்

  • ambedh_day11

    இந்திய அரசியல் சாசனத்தின் தந்தை டாக்டர் அம்பேத்கரின் நினைவு தினம்: குடியரசுத்தலைவர், பிரதமர் உள்ளிட்டோர் மரியாதை!

  • SydneyOrangeSky19

    ஆஸ்திரேலிய வனப்பகுதியில் ஏற்பட்ட தீயின் புகையால் ஆரஞ்சு நிறமாக காட்சியளிக்கும் சிட்னி வான் பகுதி: புகைப்படங்கள்

படங்கள் வீடியோ கல்வி சினிமா ஜோ‌திட‌ம்