SUN குழுமத்திலிருந்து வெளிவரும் காலை நாளிதழ்

கடலில் மிதந்து வந்த குழந்தை சடலம் அடையாளம் தெரிந்தது

9/24/2019 12:09:56 AM

ஈத்தாமொழி, செப்.24: குமரி மாவட்டம் ராஜாக்கமங்கலம் அருகே கடற்கரை சாலையில் கடந்த சில தினங்களுக்கு முன் பிறந்து சில நாட்களே ஆன பச்சிளங்குழந்தையின் சடலம் கிடந்தது. நாய் கடித்து இழுத்து வந்து போட்டதை அப்பகுதியில் உள்ளவர்கள் கவனித்தனர். இது அந்த பகுதியில் பெரும் பரபரப்பை ஏற்படுத்தியது. தகவல் அறிந்த போலீசார் குழந்தையின் உடலை மீட்டு ஆசாரிபள்ளம் அரசு மருத்துவ கல்லூரி மருத்துவமனைக்கு அனுப்பினர். தொடர்ந்து போலீசார் விசாரணை நடத்தினர். இதில், அந்த குழந்தை பெரியகாடு பகுதியை சேர்ந்த ஒரு தம்பதிக்கு பிறந்த குழந்தை என தெரியவந்துள்ளது.

அந்த தம்பதிக்கு நாகர்கோவிலில் உள்ள ஒரு மருத்துவமனையில் கடந்த ஆகஸ்ட் 5ம் தேதி குழந்தை பிறந்தது. குழந்தை மிகவும் மோசமான நிலையில் இருந்ததால் குழந்தையை திருவனந்தபுரத்தில் உள்ள மருத்துவமனையில் அனுதிமத்தனர். ஆனால் மறுநாள் அந்த குழந்தை இறந்தது. தம்பதியினரின் சமுதாய வழக்கப்படி இதுபோன்ற குழந்தையின் சடலத்தை கல்லறை தோட்டத்தில் அடக்கம் செய்யமாட்டார்களாம். இதனால் குழந்தையின் சடலத்தை நடுக்கடலில் புதைத்துள்ளனர். அலையில் இழுத்துவரப்பட்ட சடலம் கரை ஒதுங்கியுள்ளது. அதை நாய் இழுத்து வந்து சாலையில் போட்டது தெரியவந்துள்ளது என போலீசார் தெரிவித்தனர்.

மேலும் செய்திகள்

Like Us on Facebook Dinkaran Daily News
  • 10-12-2019

    10-12-2019 இன்றைய சிறப்பு படங்கள்

  • hongkiong_1211

    அரசுக்கு எதிரான ஆர்ப்பாட்டங்களின் 6 மாத கால நிறைவை முன்னிட்டு ஹாங்காங்கில் பிரம்மாண்ட பேரணி : ஆயிரக்கணக்கானோர் பங்கேற்பு

  • northesat_masothaa1

    குடியுரிமை சட்ட திருத்த மசோதாவுக்கு எதிரான போராட்டங்களால் போர்க்களமாகி உள்ள வடகிழக்கு மாநிலங்கள்

  • dragon_shapes_chinaa1

    40 மீட்டர் நீள டிராகன், பாண்டா.. சீன புத்தாண்டை முன்னிட்டு எஸ்டோனிய தலைநகரை அலங்கரித்த ஒளிரும் உருவங்கள்

  • puthucheri_cmnarayana

    சோனியா காந்தி பிறந்த நாள் விழாவில் பெண்களுக்கு பரிசாக வெங்காயத்தை வழங்கினார் புதுச்சேரி முதல்வர்!!

படங்கள் வீடியோ கல்வி சினிமா ஜோ‌திட‌ம்