SUN குழுமத்திலிருந்து வெளிவரும் காலை நாளிதழ்

சாலையில் திரியும் மாடுகளால் விபத்து

9/24/2019 12:08:03 AM

புழல், செப். 24: புழல், செங்குன்றம் பகுதிகளில் சாலையில் சுற்றித்திரியும் மாடுகளால் வாகன ஓட்டிகள் விபத்தில் சிக்கி அவதிக்குள்ளாகின்றனர்.சென்னை புழல், கதிர்வேடு, கல்பாளையம், லட்சுமிபுரம், ரெட்டேரி, காவாங்கரை, சாமியார் மடம் மற்றும் பாடியநல்லூர் எம்.ஏ.நகர், ஆலமர பகுதி, பம்மதுகுளம் உள்ளிட்ட பல்வேறு பகுதிகளில் உள்ள சாலைகளில் மாடுகள் அதிகளவில் சுற்றித்திரிகின்றன. மேலும், இவைகள் சாலைகளிலேயே படுத்து உறங்குவதால் போக்குவரத்துக்கு இடையூறு ஏற்படுவதுடன், இருசக்கர வாகன ஓட்டிகள் விபத்தில் சிக்கி காயமடைந்து செல்கின்றனர்.
குறிப்பாக, இரவு நேரங்களில் பலர் விபத்தில் சிக்குவது வாடிக்கையாக உள்ளது. இதுகுறித்து வாகன ஓட்டிகள் புழல், செங்குன்றம் போக்குவரத்து போலீஸ் மற்றும் மாநகராட்சி அதிகாரிகளிடம் பலமுறை புகார் தெரிவித்தும், இதுவரை எந்த நடவடிக்கையும் இல்லை என்ற குற்றச்சாட்டு எழுந்துள்ளது.

இதுகுறித்து வாகன ஓட்டிகள் கூறுகையில், “செங்குன்றம் பகுதி சாலைகளில் மாடுகள் உலா வருவதால் அடிக்கடி விபத்து நடக்கிறது. நடந்து செல்பவர்களை மாடுகள் முட்டிவிடுகிறது. சாலையில் திரியும் மாடுகள் திடீரென குறுக்கே ஓடுவதால் அடிக்கடி விபத்துக்கள் நடக்கிறது. இதனால், அவ்வழியாக செல்லும் வாகன ஓட்டிகள் காயமடைகின்றனர். எனவே, மாடுகளை பிடித்து உரிமையாளர்களுக்கு அபராதம் விதிக்க வேண்டும்” என்றனர்.

மேலும் செய்திகள்

Like Us on Facebook Dinkaran Daily News
  • 19-10-2019

    19-10-2019 இன்றைய சிறப்பு படங்கள்

  • boniaredlady

    தனது வாழ்க்கையை சிகப்பு வண்ணத்தில் நிரப்பிய மூதாட்டி: வீடு, ஆடை என அனைத்திலும் சிகப்பு வண்ணம்!

  • chisa

    தகவல் தொடர்பு தொழில்நுட்ப செயற்கைக்கோளை விண்ணில் வெற்றிகரமாக ஏவியது சீனா

  • karvachauth_2019

    கணவரின் நலனுக்காக மனைவி அனுசரிக்கும் கர்வா சவுத் விரதம் : நோன்பு இருந்து கணவனை சல்லடை வழியாக பார்க்கும் பெண்கள்

  • 18-10-2019

    18-10-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்