SUN குழுமத்திலிருந்து வெளிவரும் காலை நாளிதழ்

நோட்ரி டேம் ஆஃப் ஹோலி கிராஸ் பள்ளியில் கலையரங்கம், உள்விளையாட்டு அரங்கம் திறப்பு விழா

9/19/2019 5:27:56 AM

சேலம், செப்.19:சேலம் ேநாட்ரி டேம் ஆஃப் ஹோலி கிராஸ் பள்ளியில் கலையரங்கம், உள்விளையாட்டு அரங்கம் திறப்பு விழா நேற்று நடந்தது.சேலம் உடையாப்பட்டி குண்டுக்கல்லூரில், நோட்ரி டேம் ஆஃப் ஹோலி கிராஸ் பள்ளி 11 ஆண்டுகளாக செயல்பட்டு வருகிறது. இந்த பள்ளியில், மிகப்பெரிய அளவில் உள்விளையாட்டு அரங்கத்தோடு கூடிய கலையரங்கம் பிரமாண்டமான முறையில் கட்டப்பட்டுள்ளது. இதன் திறப்பு விழா நேற்று (18ம் தேதி) நடந்தது. விழாவிற்கு திருச்சிலுவை சபையின் இந்தியத் தலைவர் ஜான்ஜோசப் முன்னிலை வகித்தார். புதிய கலையரங்கத்தை, திருச்சிலுவை சபையின் உலகத் தலைவர் ராபர்ட் லூயிஸ் எப்பிங் (ரோம்) அர்ச்சித்தார். அதனை தொடர்ந்து திருச்சிலுவை சபையின் உலகத் தலைவர் ஜேம்ஸ் ரிப்பன் கோம்ஸ், கலையரங்கத்தை திறந்து வைத்தார். திருச்சிலுவை சபையின் முன்னாள் இந்திய தலைவர்  சேசுராஜ்  கல்வெட்டினை திறந்து வைத்தார்.

 திறப்பு விழாவில், திருச்சிலுவை சபையின் அருட்சகோதரர்கள், அருட்தந்தையர்கள், அருட்சகோதரிகள், பலவேறு பள்ளிகளின் முதல்வர்கள், பெற்றோர் ஆசிரியர் கழக உறுப்பினர்கள், பள்ளி மாணவ, மாணவியர், பெற்றோர்கள், முன்னாள் மாணவ, மாணவியர் கலந்து கொண்டனர். புதிய கலையரங்கம் 3000 மாணவர்கள் அமரக்கூடிய இடவசதி கொண்டது. மேலும் கூடைப்பந்து, கைப்பந்து, இறகு பந்து, பூப்பந்து ஆகிய விளையாட்டுகளுக்கு உள் விளையாட்டு அரங்கமாகவும் உள்ளது. அதிநவீன ஒலி, ஒளி அமைப்புடன் அமைக்கப்பட்டுள்ள இக்கலையரங்கம், மாணவர்களின் பன்முக திறமையை வளர்க்கும் வகையில் வடிவமைக்கப்பட்டுள்ளது. விழா ஏற்பாடுகளை பள்ளி முதல்வர் பாலசாமி, நிர்வாகி சாக்கோ, கில்பர்ட் மற்றும் ஆசிரியர்கள் செய்திருந்தனர்.


மேலும் செய்திகள்

Like Us on Facebook Dinkaran Daily News
  • 03-07-2020

    03-07-2020 இன்றைய சிறப்பு படங்கள்

  • petroLLL

    பெட்ரோல், டீசல் விலை உயர்வைக் கண்டித்து நாடு முழுவதும் காங்கிரஸ் போராட்டம்!!

  • pakisthN_11

    கராச்சி பங்குச்சந்தை அலுவலகத்தில் பயங்கரவாதிகள் தாக்குதல் : 6 பேர் பலி ; 4 தீவிரவாதிகள் சுட்டுக் கொலை!!!

  • mask_glovbeess1

    கடலுக்கு அடியில் குவியும் மாஸ்க், கையுறைகள் : கடல்வாழ் உயிரினங்களுக்கு கெடுதல் விளைவிக்கும் அபாயம்!!

  • 26-06-2020

    26-06-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்