SUN குழுமத்திலிருந்து வெளிவரும் காலை நாளிதழ்

ஆத்தூர் சந்தனமாரியம்மன் கோயில் கொடை விழா

9/19/2019 12:09:40 AM

ஆறுமுகநேரி, செப்.19:  ஆத்தூர் சந்தனமாரியம்மன் கோயில் கொடை விழா நடந்தது. ஆத்தூர் சைவ வேளாளர் சமுதாயத்திற்கு பாத்தியப்பட்ட சந்தனமாரியம்மன் கோயில் கொடைவிழா கடந்த 10ம்தேதி கால்நாட்டுடன் துவங்கியது. தொடர்ந்து தினமும் காலை ஹோமம் மற்றும் சிறப்பு அபிஷேகங்களும் மாலையில் சிறப்பு அலங்கார தீபாராதனையும் நடந்தது. திங்கட்கிழமை இரவு 10 மணிக்கு மாக்காப்பு தீபாராதனையும், நள்ளிரவு 12 மணிக்கு சாஸ்தா பிறப்பும் தீபாராதனையும் நடந்தது.

கொடைவிழாவான 17ம்தேதி காலை 9 மணிக்கு தாமிரபரணி ஆற்றின் சோம தீர்த்த கட்டத்தில் இருந்து பால்குடம் எடுத்து வரப்பட்டது. மதியம் 12 மணிக்கு மூலவர் மற்றும் பரிவார தேவதைகள் சிறப்பு அபிஷேகமும், விமான கும்பாபிஷேகமும் நடந்தது. மதியம் 1 மணிக்கு உச்சிகால தீபாராதனையை தொடர்ந்து பக்தர்களுக்கு பிரசாதம் வழங்கப்பட்டது.  இரவு 7 மணிக்கு தாமிரபரணி ஆற்றில் இருந்து கும்பம் எடுத்து வரப்பட்டது. நள்ளிரவு 12 மணிக்கு சிறப்பு அலங்கார தீபாராதனையும், அம்மன் வீதியுலாவும் நடந்தது.  நேற்று அதிகாலை 3 மணிக்கு கும்பம் சேர்க்கையும், படைப்பு தீபாராதனையும் காலை 10மணிக்கு மஞ்சள் நீராடல், 1 மணிக்கு தீபாராதனைநடந்தது. ஏற்பாடுகளை கோயில் நிர்வாகக் குழுவினர் செய்திருந்தனர்.

மேலும் செய்திகள்

Like Us on Facebook Dinkaran Daily News
  • watervapormoon

    வியாழன் கோளை சுற்றி வரும் யூரோபா நிலவில் நீராவி தடயங்கள் இருப்பதை உறுதி செய்துள்ளது நாசா!

  • kuwaitcamelRace

    குவைத்தில் ஒட்டகங்களுக்கான ஓட்டப்பந்தயம்: ரோபோ ஜாக்கி மூலம் ஒட்டகங்கள் போட்டியிட்டன ..புகைப்படங்கள்!

  • amazonTraders

    Amazon, Flipkart- க்கு எதிராக டெல்லியில் நேற்று போராட்டத்தில் குதித்த அகில இந்திய வணிகர்கள் சங்கம்!

  • dubaiairshow2019

    துபாயில் வெகு விமர்சையாக நடைபெற்ற விமான கண்காட்சி: கண்கவர் சாகசங்களை செய்து ஆச்சர்யத்தில் ஆழ்த்திய வீரர்கள்!

  • LAautoshow

    லாஸ்ஏஞ்சல்ஸ் நகரில் நடைபெற்ற ஆட்டோ ஷோ: பார்வையாளர்களை அரசவைத்த BMW, Mercedes கார்கள்!

படங்கள் வீடியோ கல்வி சினிமா ஜோ‌திட‌ம்