SUN குழுமத்திலிருந்து வெளிவரும் காலை நாளிதழ்

தேன்கனிக்கோட்டையில் பள்ளி முன்பிருந்த வேகத்தடை அகற்றியதால் விபத்து அபாயம்

9/17/2019 7:19:45 AM

தேன்கனிக்கோட்டை, செப்.17:தேன்கனிக்கோட்டை அரசு மேல்நிலைப்பள்ளி அருகே, பத்திரபதிவு அலுவலகம், விஏஓ அலுவலகம்,   பேரூராட்சி அலுவலகம் உள்ளிட்ட இடங்களில் போக்குவரத்து நெரிசல் ஏற்பட்டு வந்தது. போக்குவரத்து நெரிசலை குறைக்க, அரசு பெண்கள் மேல்நிலைப்பள்ளி, தளி கூட்டுரோடு ஆகிய இடங்களில், நெடுஞ்சாலை துறை சார்பில் வேகத்தடை அமைக்கப்பட்டது. இதனால், போக்குவரத்து நெரிசல் சற்று குறைந்தது. இந்நிலையில், தேன்கனிக்கோட்டையில் தாலுகா அலுவலகம் முதல் அரசு போக்குவரத்து பணிமனை வரை, புதிதாக சாலை அமைக்கும் பணிகள் நடந்து வருகிறது.

இதன் காரணமாக, பெண்கள் மேல்நிலைப்பள்ளி, தளி கூட்டுரோடு பகுதிகளில் இருந்த வேகத்தடைகள் அகற்றப்பட்டுள்ளது. இப்பகுதி குறுகலான சாலை என்பதால், மின்னல் வேகத்தில் வரும் வாகனங்களால் மீண்டும் விபத்து அபாயம் ஏற்பட்டுள்ளது. இதனால், காலை மற்றும் மாலை நேரங்களில் சாலையை கடக்க முடியாமல் மாணவிகள் அவதிக்கு ஆளாகியுள்ளனர். இதுகுறித்து அப்பகுதி மக்கள் கூறுகையில், ‘இப்பகுதியில் ஏற்கனவே நிகழ்ந்த விபத்துகளில் உயிரிழப்புகள் ஏற்பட்டதால், வேகத்தடை அமைக்கப்பட்டது. தற்போது, சாலை பணிக்காக வேகத்தடை அகற்றப்பட்டு விட்டதால், மீண்டும் விபத்து அபாயம் ஏற்பட்டுள்ளது. எனவே, பெண்கள் பள்ளி, கோட்டைவாசல், அரசு ஆண்கள் மேல்நிலைப்பள்ளி, கெலமங்கலம் சாலை கூட்ரோடு ஆகிய இடங்களில் வேகத்தடை அமைத்து, விபத்துகளை தடுக்க நடவடிக்கை எடுக்க வேண்டும்,’ என்றனர். 

மேலும் செய்திகள்

Like Us on Facebook Dinkaran Daily News
  • hailnewzealand

    நியூஸிலாந்தில் ஆலங்கட்டி மழை: ஒவ்வொன்றும் கோல்ஃப் பந்து அளவில் இருப்பதால் வீடுகள் சேதம்

  • petroliranprotest

    பெட்ரோல் விலை உயர்வை கண்டித்து ஈரான் மக்கள் நடத்தி வரும் போராட்டத்தில் இதுவரை 106 பேர் கொல்லப்பட்டதாக பரபரப்பு தகவல்

  • christmascele

    லண்டன், நியூயார்க் உள்ளிட்ட இடங்களில் களைகட்ட தொடங்கியுள்ள கிறிஸ்துமஸ் கொண்டாட்டம்!

  • ausfire2011

    ஆஸ்திரேலியாவில் மிகவும் மோசமடைந்துள்ள காட்டுத்தீ: பல்லாயிரம் ஏக்கர் கணக்கில் நிலங்கள் தீக்கரையானது!

  • goalmineexplodechina

    சீனாவில் உள்ள நிலக்கரி சுரங்கத்தில் திடீரென ஏற்பட்ட வெடி விபத்தால் 15 பேர் பலியான சோகம்!

படங்கள் வீடியோ கல்வி சினிமா ஜோ‌திட‌ம்