SUN குழுமத்திலிருந்து வெளிவரும் காலை நாளிதழ்

முத்துப்பேட்டை அருகே குண்டும், குழியுமான சாலையால் வாகன ஓட்டிகள் அவதி சீரமைக்க கோரி 26ம் தேதி இந்திய கம்யூ. மறியல் போராட்டம் அறிவிப்பு

9/17/2019 12:47:15 AM

முத்துப்பேட்டை, செப்.17: முத்துப்பேட்டை அருகே குண்டும்,குழியுமான சாலையால் வாகன ஓட்டிகள் கடும் அவதியுற்றுவருகின்றனர். சாலையை சீரமைக்க கோரி 26ம் தேதி இந்திய கம்யூனிஸ்ட் மறியல் போராட்டம் அறிவித்துள்ளது. திருவாரூர்மாவட்டம், முத்துப்பேட்டை அடுத்த கோவிலூர்பைபாஸ் சாலையிலிருந்து கீழநம்மங்குறிச்சியை கடந்து பெத்தவேளாண்கோட்டகம் வரையிலான சாலை என்பது இப்பகுதி மக்களுக்கு ஒரு முக்கிய சாலையாகும். இவ்வழியாக இப்பகுதிகளுக்கு மட்டுமின்றி தஞ்சை மாவட்டம், மதுக்கூர்;, சிரமேல்குடி, தஞ்சை போன்ற பகுதிக்கு செல்லும் மக்களும் பயன்படுத்தி வரும் ஒரு சாலையாகும். இதில் கோவிலூர்பைபாஸ் சாலையிலிருந்து கீழநம்மங்குறிச்சி வரை உள்ள சுமார்3.2 கிமீ சாலை தற்பொழுது குண்டும், குழியுமாக உள்ளது. இவ்வழியாக தினந்தோறும் நான்குமுறை அரசு பேருந்தும், நான்கு முறை தனியார்மினி பேருந்தும் சென்று வருகிறது. இதனால் இந்த சாலையை சீரமைத்து தரவேண்டும் என்று இப்பகுதி மக்கள் சுமார்7வருடமாக கோரிக்கை விடுத்து வருகின்றனர்.

ஆனால் அதிகாரிகள் இந்த சாலையை சீரமைக்க வில்லை.. இந்நிலையில் கடந்த 3மாதங்களுக்கு முன்பு இந்த சாலையால் அதிருப்திடைந்த இப்பகுதி மக்கள் சுமார்100க்கும் மேற்பட்டோர்இந்திய கம்யூனிஸ்ட் கட்சி ஒன்றிய செயலாளர்முருகையன் தலைமையில் முத்துப்பேட்டை ஊராட்சி ஒன்றிய அலுவலகத்தை முற்றுகையிட்டு போராட்டத்தில் ஈடுபட்டனர். இதுநாள்வரை இந்த சாலையை சீரமைக்க எந்தவொரு நடவடிக்கையிமில்லை.. தற்பொழுது சில தினங்களாக பெய்து வரும் மழைக்கு மழைநீர்சாலையில் நெடுவேங்கும் உள்ள பள்ளத்தில் தேங்கி நிற்கிறது. இதனால் வாகனஓட்டிகள் அவதியுற்று வருகின்றனர். சாலையை சீரமைக்காததால் வரும் 26ம் தேதி இந்திய கம்யூனிஸ்ட் கட்சி சார்பில் சாலை மறியல் போராட்டம் நடைபெறுவதாக அறிவித்துள்ளனர்.

இதுகுறித்து இந்திய கம்யூனிஸ்ட் கட்சி விவசாய அணியின் ஒன்றிய துணைச்செயலாளர்சிவசந்திரன் கூறுகையில், இதுகுறித்து பலமுறை போராட்டம் நடத்திவிட்டோம் பலமுறை அதிகாரிகளை சந்தித்து புகார்தெரிவித்துள்ளோம் ஆனால் அதிகாரிகள் சொன்ன வாக்குறுதிபடி இந்த சாலையை சீரமைக்க முன்வரவில்லை. இதனை கண்டித்து வரும் 26ம் தேதி இந்திய கம்யூனிஸ்ட் கட்சி சார்பில் முத்துப்பேட்டை கிழக்கு கடற்க்கரை சாலையில் சாலை மறியல் போராட்டம் நடந்த முடிவு செய்து அறிவித்துள்ளோம் என்றார்.

மேலும் செய்திகள்

Like Us on Facebook Dinkaran Daily News
  • 23-02-2020

    23-02-2020 இன்றைய சிறப்பு படங்கள்

  • theepam2020

    மகாசிவராத்திரியை முன்னிட்டு தி.மலை கோவிலில் ஸ்ரீ லிங்கோத்பவருக்கு சிறப்பு அபிஷேகம்

  • 22-02-2020

    22-02-2020 இன்றைய சிறப்பு படங்கள்

  • UkraineCoronaProtest

    கொரோனாவால் பாதிக்கப்பட்டுள்ள சீனாவில் இருந்து மக்களை அழைத்து வந்ததற்கு எதிர்ப்பு: உக்ரைனில் வெடித்தது போராடடம்!

  • puthu2020

    அமெரிக்க அதிபர் ட்ரம்ப் தங்குவதற்காக டெல்லி மௌரியா ஹோட்டலில் ஆடம்பரமாகத் தயார் செய்யப்பட்டுள்ள பிரெசிடென்ட் சூட்!!

படங்கள் வீடியோ கல்வி சினிமா ஜோ‌திட‌ம்