SUN குழுமத்திலிருந்து வெளிவரும் காலை நாளிதழ்

அனுமதியின்றி விளம்பர பேனர் வைத்தால் ரூ.5 ஆயிரம் அபராதம் கலெக்டர் எச்சரிக்கை

9/17/2019 12:40:27 AM

அரியலூர், செப். 17: அரியலூர் மாவட்டத்தில் அனுமதியின்றி விளம்பர பேனர் வைத்தால் ரூ.5 ஆயிரம் அபராதம், ஓராண்டு சிறை தண்டனை வழங்கப்படும் என்று கலெக்டர் வினய் எச்சரிக்கை விடுத்துள்ளார். அரியலூர் கலெக்டர் அலுவலகத்தில் விளம்பர பேனர், தட்டிகள் வைப்பது குறித்த ஆலோசனை கூட்டம் நடந்தது. கலெக்டர் வினய் தலைமை வகித்து பேசுகையில், விளம்பர பதாகைகள் மற்றும் தட்டிகள் வைப்பது குறித்த- 2011ன் விதிகளின்படியும், சென்னை உயர் நீதிமன்ற தீர்ப்பின்படியும் தனியார், அரசு நிலம், பொது மற்றும் தனியார் கட்டிடங்கள், சாலைகள், மைதானங்கள், பொதுமக்கள் கூடும் இடங்கள் உள்ளிட்ட பொது இடங்களில் பொதுமக்கள் மற்றும் சாலை பயன்பாட்டாளர்கள், பாதசாரிகளுக்கு இடையூறு ஏற்படும் வகையில் விளம்பர, வரவேற்பு பதாகைகள் மற்றும் தட்டிகள் வைப்பது முற்றிலும் தடை செய்யப்பட்டுள்ளது. மேலும் அனுமதியின்றி விளம்பர பேனர்கள் வைத்தால் சென்னை உயர் நீதிமன்ற தீர்ப்புக்கு எதிரானதாக அமையும். மீறி வைப்பவர்கள் மீது காவல்துறை மூலம் குற்ற வழக்கு நடவடிக்கையுடன் ரூ.5 ஆயிரம் அபராதம், ஓராண்டு சிறை தண்டனை வழங்கப்படும் என்றார். கூட்டத்தில் கலெக்டரின் நேர்முக உதவியாளர் முருகன், மாவட்ட ஆட்சியரக சிரஸ்தார் (பொது) முத்துகிருஷ்ணன், அனைத்து வட்டார வளர்ச்சி அலுவலர்கள், நகராட்சி ஆணையர்கள், பேரூராட்சி செயல் அலுவலர்கள், அனைத்து அரசியல் கட்சி பிரதிநிதிகள் மற்றும் அச்சக உரிமையாளர்கள் பங்கேற்றனர்.

மேலும் செய்திகள்

Like Us on Facebook Dinkaran Daily News
  • KateWilliamNorthPak

    அரசு முறை பயணமாக பாகிஸ்தான் சென்றுள்ள இங்கிலாந்து இளவரசர்: பழங்குடியினர் நடன நிகழ்ச்சியை கண்டு உற்சாகம்

  • SouthPhilippinesEQ

    பிலிப்பைன்ஸ் நாட்டின் தெற்கு பகுதியை உலுக்கிய சக்திவாய்ந்த நிலநடுக்கம்: 5 பேர் உயிரிழப்பு..கட்டிடங்கள் சேதம்!

  • 17-10-2019

    17-10-2019 இன்றைய சிறப்பு படங்கள்

  • KimHorseRide1610

    பயேக்டு பனிமலைகளுக்கு இடையே வெள்ளைக் குதிரையில் பவனி வந்த வடகொரிய அதிபர் கிம் ஜாங் உன்: புகைப்படத்தொகுப்பு

  • NASASpaceSuit

    நிலவு பயணத்தில் பங்கேற்கும் விண்வெளி வீரர்களுக்கான 2 நவீன விண்வெளி உடைகள்: நாசா அறிமுகம்- புகைப்படங்கள்

படங்கள் வீடியோ கல்வி சினிமா ஜோ‌திட‌ம்