SUN குழுமத்திலிருந்து வெளிவரும் காலை நாளிதழ்

கரூர் மாவட்டத்தில் தொடர் மழை சாலைகளில் தண்ணீர் தேக்கம்

9/15/2019 5:33:00 AM

கரூர், செப். 15: கருர் மாவட்டத்தில் கடந்த 3 நாளாக தொடர்ந்து மழை பெய்தது. நேற்று காலை வெயில் அடித்தது. மாலை இரவு நேரங்களில் நேற்றுமுன்தினம் கரூர், க.பரமத்தி, அரவக்குறிச்சி. கிருஷ்ணராயபுரம், தோகைமலை, குளித்தலை, கடவூர் ஆகிய இடங்களில் மழைபெய்தது. இதனால் சாலைகளில் நீர்தேங்கியது. நேற்று காலை 8 மணி வரை பெய்த மழை அளவு(மிமீட்டரில்): கரூர் 44.3. அரவக்குறிச்சி 8, அணைப்பாளையம் 15, க.பரமத்தி 32.2, குளித்தலை 19, தோகைமலை 24, கிருஷ்ணராயபுரம் 25.4, மாயனூர் 26, பஞ்சப்பட்டி 45.6, கடவூர் 25, பாலவிடுதி 76.2, மயிலம்பட்டி 63, மொத்தம் 403.70, சராசரி மழை அளவு 33.64. கரூர் மாவட்டத்தில் மழை அளவு கணக்கிடப்படும் 12 மையங்களிலும் மழை அளவு பதிவாகியுள்ளது. அதிகபட்சமாக பாலவிடுதியில் 76.2, மயிலம்பட்டியில் 63 மிமீ மழை பதிவாகி உள்ளது.

மேட்டூர் அணை நிரம்பியதால் காவிரியில் உபரி நீர் வந்து கொண்டிருக்கிறது. நேற்று கரூர் மாவட்டம் மாயனூர் கதவணைக்கு 26950 கனஅடிநீர் வந்தது. காவிரியாற்றில் 25340 கனஅடிநீர் திறக்கப்பட்டு திருச்சி நோக்கி சென்று கொண்டிருக்கிறது. நேற்றுமுன்தினம் வரத்து 18 ஆயிரம் கன அடியாக இருந்தது. நேற்று 26 ஆயிரமாக உயர்ந்துள்ளது. மேலும் கதவணையில் இருந்து கட்டளைமேட்டு வாய்க்காலில் 400 கனஅடி, புதிய கட்டளைமேட்டு வாய்க்காலில் 400 கனஅடி, தென்கரை வாய்க்காலில் 800 கனஅடி, கிருஷ்ணராயபுரம் வாய்க்காலில் 10 கன அடி நீர் திறந்து விடப்பட்டது. திருப்பூர் மாவட்டம் உடுமலையில் உள்ள அமராவதி அணையின் மொத்த கொள்ளளவு 90 அடி. நேற்று 84.42 அடி தண்ணீர் இருந்தது. அணைக்கு வரும் நீரின் அளவு 401 கன அடியாக மிகவும் குறைவாக இருப்பதால் அணை நிரம்புவதில் தாமதம் ஏற்படுகிறது.

மேலும் செய்திகள்

Like Us on Facebook Dinkaran Daily News
  • 03-07-2020

    03-07-2020 இன்றைய சிறப்பு படங்கள்

  • petroLLL

    பெட்ரோல், டீசல் விலை உயர்வைக் கண்டித்து நாடு முழுவதும் காங்கிரஸ் போராட்டம்!!

  • pakisthN_11

    கராச்சி பங்குச்சந்தை அலுவலகத்தில் பயங்கரவாதிகள் தாக்குதல் : 6 பேர் பலி ; 4 தீவிரவாதிகள் சுட்டுக் கொலை!!!

  • mask_glovbeess1

    கடலுக்கு அடியில் குவியும் மாஸ்க், கையுறைகள் : கடல்வாழ் உயிரினங்களுக்கு கெடுதல் விளைவிக்கும் அபாயம்!!

  • 26-06-2020

    26-06-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்