SUN குழுமத்திலிருந்து வெளிவரும் காலை நாளிதழ்

மரக்காணம் அருகே பெண்ணிடம் 7 சவரன் தாலி செயின் பறிப்பு

9/15/2019 5:05:35 AM

மரக்காணம், செப். 15: மரக்காணம் அருகே நகர் கிராமத்தை சேர்ந்தவர் குழந்தைராஜ்(30). விவசாயி. இவரது மனைவி மீனா(27). இவர் நேற்று மதியம் வீட்டு எதிரில் சாலை ஓரம் தண்ணீர் பிடித்துள்ளார். அப்போது பைக்கில் தலைக்கவசம் அணிந்துகொண்டு இரண்டு நபர்கள் அந்த வழியாக வந்துள்ளனர். இவர்கள் கண்ணிமைக்கும் நேரத்தில் மீனாவின் கழுத்தில் இருந்த 7 சவரன் தங்க தாலியை அறுத்துக்கொண்டு தப்பி சென்றனர். இதனை சற்றும் எதிர்பாராத மீனா கூச்சலிட்டுள்ளார். உடனே அருகில் இருந்த அப்பகுதி இளைஞர்கள் ஓடிவந்துள்ளனர்.

அவர்களிடம் நடந்த சம்பவத்தை மீனா கூறியுள்ளார். உடனே அப்பகுதி இளைஞர்கள் 3 பைக்கில் நகை பறித்துக்கொண்டு தப்பிய மர்ம நபர்களை தேடியும் கிடைக்கவில்லை. நகை திருடிக்கொண்டு பைக்கில் தப்பிய மர்ம நபர்கள் தலைக்கவசம் அணிந்து இருந்ததால் அவர்கள் யார், எந்த ஊரை சேர்ந்தவர் என்பது தெரியவில்லை. இதுகுறித்து பிரம்மதேசம் போலீசார் ஹெல்மெட் ஆசாமிகளை தேடி வருகின்றனர். இதுபோல் தொடர்ந்து பிரம்மதேசம், மரக்காணம் பகுதியில் நகை, பைக் கொள்ளை, வழிப்பறி, வீடு புகுந்து திருடுதல் போன்ற சம்பவங்கள் நடந்து வருவதால் பொதுமக்கள் பீதி அடைந்துள்ளனர்.

மேலும் செய்திகள்

Like Us on Facebook Dinkaran Daily News
  • 15-12-2019

    15-12-2019 இன்றைய சிறப்பு படங்கள்

  • 14-12-2019

    14-12-2019 இன்றைய சிறப்பு படங்கள்

  • po13

    கிறிஸ்துமஸ் கொண்டாட்டத்தை முன்னிட்டு வண்ணமயமான ஒளிவிளக்குகளால் அலங்கரிக்கப்பட்ட போலந்து: ஜொலிக்கும் புகைப்படம்

  • wagle_hunttt

    கஜகஸ்தானில் பாரம்பரிய போட்டி : கழுகுடன் வேட்டைக்கு செல்லும் கசாக் மக்கள்

  • modi13

    நாடாளுமன்றம் மீது தாக்குதல் நடத்தப்பட்டதின் 18ம் ஆண்டு நினைவு நாள்: உயிரிழந்த வீரர்களின் படங்களுக்கு பிரதமர் மோடி உள்ளிட்டோர் மலர்தூவி மரியாதை

படங்கள் வீடியோ கல்வி சினிமா ஜோ‌திட‌ம்