SUN குழுமத்திலிருந்து வெளிவரும் காலை நாளிதழ்

பஸ் வசதி இல்லாததால் திருமங்கலம் தாலுகாவுடன் இணைக்க வேண்டும் 4 கிராம மக்கள் வேண்டுகோள்

9/11/2019 5:56:36 AM

திருமங்கலம், செப்.10: பஸ் வசதிகள் இல்லாத காரணத்தால் புதியதாக துவக்கப்பட்ட கள்ளிக்குடி தாலுகாவிலிருந்து தங்களது கிராமங்களை பிரித்து மீண்டும் திருமங்கலம் தாலுகாவுடன் இணைக்கவேண்டும் என நான்கு கிராம பொதுமக்கள் வலியுறுத்தியுள்ளனர்.
திருமங்கலம் தாலுகாவை இரண்டாக பிரித்து கடந்தாண்டு கள்ளிக்குடி புதிய தாலுகாவாக உருவாக்கப்பட்டது. இந்த தாலுகாவில் சிவரக்கோட்டை, குராயூர், கள்ளிக்குடி பிர்க்காகள் இணைக்கப்பட்டன. மீதமுள்ள திருமங்கலம் டவுன், கொக்குளம், பன்னீர்குண்டு பிர்க்காக்கள் திருமங்கலம் தாலுகாவிலேயே தொடர்கின்றன. இந்நிலையில் புதிய தாலுகாவில் இணைக்கப்பட்ட சிவரக்கோட்டை பிர்கா கிராமங்களான உலகாணி, சின்ன உலகாணி, கூடக்கோவில், நெடுங்குளம் ஆகிய நான்கு கிராமமக்கள் தங்களை மீண்டும் திருமங்கலம் தாலுகாவுடன் இணைக்க வேண்டும் என வலியுறுத்தி வருகின்றனர்.இதுகுறித்து உலகாணியை சேர்ந்த சுந்தரராஜன் கூறுகையில், திருமங்கலத்திலிருந்து கூடக்கோவில், உலகாணி, நெடுங்குளம் உள்ளிட்ட கிராமங்களுக்கு நேரடியாக டவுன் பஸ் வசதியுள்ளது.

நாங்கள் பல ஆண்டுகளாக திருமங்கலம் வந்தே பழகி விட்டோம். தற்போது எங்கள் கிராமங்களை புதிதாக துவக்கப்பட்ட கள்ளிக்குடி தாலுகாவில் இணைத்துள்ளனர். கள்ளிக்குடிக்கு எங்கள் பகுதியிலிருந்து டவுன் பஸ் வசதிகள் எதுவும் கிடையாது.தாலுகா அலுவலகத்திற்கு செல்ல வேண்டுமானோல் சமத்துவபுரம் அல்லது மேலக்கோட்டை விலக்கில் இறங்கி கள்ளிக்குடி மற்றொரு பஸ் பிடிக்கவேண்டும். எங்களுக்கு திருமங்கலம் தான் மிக அருகேயுள்ளது. எனவே மறுபடியும் எங்களை திருமங்கலம் தாலுகாவுடன் இணைக்க அதிகாரிகள் நடவடிக்கை எடுக்க வேண்டும் என்றார்.இதுகுறித்து திருமங்கலம் ஆர்டிஓ முருகேசனிடம் கேட்டபோது, மக்கள் தொகையின் அடிப்படையிலேயே புதிய தாலுகா உருவாக்கப்பட்டு கிராமங்கள் இணைக்கப்பட்டுள்ளன. இந்த கிராமமக்கள் இதுகுறித்து என்னிடம் மனு கொடுத்துள்ளனர். இதுகுறித்து மாவட்ட நிர்வாகத்திற்கு அனுப்பியுள்ளேன். மேலும் வருவாய்த்துறை அமைச்சருக்கும் அனுப்பி வைத்துள்ளேன் என்றார்.


மேலும் செய்திகள்

Like Us on Facebook Dinkaran Daily News
  • mamthaa20

    காங்கிரஸ் எம்.பி.யான தபஸ் பாலின் இறுதி சடங்கு: மேற்கு வங்க முதல்வர் மம்தா பானர்ஜி அஞ்சலி செலுத்தினார்

  • accident20

    அவிநாசி அருகே கண்டெய்னர் லாரியும், அரசு பேருதும் மோதி விபத்து: 20 பேர் உயிரிழப்பு....23 பேர் படுகாயம்

  • 20-02-2020

    20-02-2020 இன்றைய சிறப்பு படங்கள்

  • poraattam20

    சென்னையில் சட்டசபையை நோக்கி முற்றுகைப் போராட்டம் நடத்துவதற்காக இஸ்லாமிய அமைப்பினர் திரண்டதால் பரபரப்பு

  • aadi20

    மகாராஷ்டிரா பிஎம்சி வொர்லி சீஃபேஸ் பள்ளியில் நோய்த்தடுப்பு முக்கியத்துவம் பற்றி ஆதித்யா தாக்கரே விளக்கம்

படங்கள் வீடியோ கல்வி சினிமா ஜோ‌திட‌ம்