SUN குழுமத்திலிருந்து வெளிவரும் காலை நாளிதழ்

திருச்சி தேசிய தொழில்நுட்பக்கழகத்தில் பல்திறன் மூலப்பொருட்கள் குறித்த கருத்தரங்கு துவக்கம்

9/10/2019 6:54:32 AM

திருச்சி, செப்.10: திருச்சி தேசிய தொழில்நுட்பக்கழகத்தின் வேதிப் பொறியியல் சார்பில் மின்சக்தி. சுற்றுசூழல் மற்றும் மருத்துவ பயன்பாட்டிற்கான பல்திறன் மற்றும் நவீன மூலப்பொருட்கள் குறித்த கருதரங்கு நேற்று துவங்கியது. வருகிற 11ம் தேதி வரை கருத்தரங்கு நடைபெறுகிறது. இக்கருத்தரங்கின் துவக்கவிழாவில் மலேசிய தொழில்நுட்பப் பல்கலைக்கழத்தின் ஏஎம்டிஇசி பிரிவின் துணைத் தலைவர் (ஆராய்ச்சி) முனைவர். அஹமத் ஃபவுசி இஸ்மாயில் சிறப்பு விருந்தினராகக் கலந்துகொண்டார். மேலும் உலகெங்கிலும் உள்ள முன்னணி கல்வி நிலையங்கள் மற்றும் தொழில்துறையைச் சார்ந்த பலர் கலந்து கொண்டனர்.

துவக்கவிழாவில் கருத்தரங்கின் தலைவரும், வேதிப் பொறியியல் துறைத்தலைவருமான முனைவர் மீரா ஷெரிஃபாபேகம் வரவேற்று பேசினார். அறிமுக உரையாற்றிய பேராசிரியர் அனந்தராமன் துறையின் வரலாறு குறித்தும், கல்வி, தொழில் மற்றும் நிர்வாக துறைகளில் பெரும் பதவிகள் வகிக்கும் இத்துறையின் முன்னாள் மாணவர்கள் குறித்தும் உரையாற்றினார். கல்லூரியின் இயக்குனர் முனைவர் மினி ஷாஜி தாமஸ் பேசும் போது 3 நாட்கள் நடைபெறும் கருத்தரங்கு சிறப்பாக நடைபெற தனது வாழ்த்துகளைக் கூறினார். நாளை (11ம்தேதி) வரை கருத்தரங்கு நடைபெறுகிறது. இக்கருத்தரங்கில் உலகெங்கிலும் உள்ள பல்வேறு பல்கலைக்கழகங்கள் மற்றும் தொழில் நிறுவங்களை சேர்ந்தவர்களின் இரண்டு சிறப்பு உரைகளும், 18 முதன்மையுரைகளும், பங்கேற்பாளர்களின் 123 உரைகளும் இடம்பெறுகிறது.

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்