SUN குழுமத்திலிருந்து வெளிவரும் காலை நாளிதழ்

பழங்குடியினரின் வாழ்க்கையை சித்தரிக்கும் சுவர் ஓவியம்

8/22/2019 1:55:23 AM

ஊட்டி, ஆக. 22:ஊட்டி ரயில் நிலைய சுவற்றில் பழங்குடியினரின் வாழ்க்கையை சித்தரிக்கும் வகையில் சுவர் ஓவியம் வரையும் பணி நடக்கிறது. இது சுற்றுலா பயணிகள் மத்தியில் வரவேற்பை பெற்றுள்ளது. நீலகிரி மாவட்டத்திற்கு வரும் சுற்றுலா பயணிகள் பெரும்பாலும் மலை ரயிலில் பயணம் செய்யவே அதிகம் ஆர்வம் காட்டுகின்றனர். இதனால், எப்போதும் ஊட்டி மலை ரயிலில் டிக்கெட்டுக்கள் கிடைப்பது கடினம். முன்பதிவிலேயே டிக்கெட் அனைத்தும் தீர்ந்து போய்விடுகிறது. சில வெளி நாட்டு சுற்றுலா பயணிகள் பல லட்சம் செலவு செய்து சிறப்பு ரயிலையே வாடகைக்கு மேட்டுப்பாளையத்தில் இருந்து ஊட்டிக்கு எடுத்து வருகின்றனர். பாரம்பரிய அந்தஸ்து பெற்ற இந்த ரயில் மற்றும் ரயில் நிலையங்களை புதுப்பிக்கும் மற்றும் சுற்றுலா பயணிகளை கவரும் வகையில் தற்போது தென்னக ரயில்வே பல்வேறு முயற்சிகளை மேற்கொண்டு வருகிறது.

இதன் ஒரு பகுதியாக நூற்றாண்டு பழமை வாய்ந்த ஊட்டி ரயில் நிலையத்தில் தற்ேபாது வண்ண மிகவு ஓவியங்கள் வரையும் பணி துவக்கப்பட்டுள்ளது. இதில், நீலகிரி மாவட்டத்தில் வாழும் பழங்குடியின மக்களின் வாழ்க்கையை சித்தரிக்கும் வகையில் பல்வேறு ஓவியங்கள் வரையப்படவுள்ளது. இதற்கான பணிகள் தற்போது நடக்கிறது. ஓரிரு நாட்களில் இப்பணிகள் நிறைவு பெறும் என எதிர்பார்க்கப்படுகிறது. ஓவியங்கள் வரையும் பணிகள் முடிந்தாலே முழு அழகும் வெளியில் தெரியும். ரயில்வே நிலைய சுவர்களில் பல்வேறு வகையான ஓவியங்கள் வரைந்து வருவது சுற்றுலா பயணிகளையும், உள்ளூர் மக்களையும் கவர்ந்து வருகிறது.

மேலும் செய்திகள்

Like Us on Facebook Dinkaran Daily News
  • 26-02-2020

    26-02-2020 இன்றைய சிறப்பு படங்கள்

  • speach20

    இந்தியாவில் பெற்ற அனுபவங்களை சொல்ல வார்த்தைகளே இல்லை: அரசு பள்ளி மாணவர்கள் மத்தியில் மெலனியா டிரம்ப் பேச்சு

  • carnival20

    ஜெர்மனி கார்னிவல் 2020: வண்ணமயமான மிதவைகள் உலகத் தலைவர்களை கேலி செய்கின்றன...நூற்றுகணக்கான மக்கள் பங்கேற்பு

  • mariyaathai20

    அமெரிக்க அதிபர் ட்ரம்ப்புக்கு ஜனாதிபதி மாளிகையில் சிறப்பு வரவேற்பு: காந்தி சமாதியில் மலர் வளையம் வைத்து அஞ்சலி செலுத்தினார்

  • viloence20

    டெல்லியில் சி.ஏ.ஏ. ஆதரவாளர்கள், எதிர்ப்பாளர்கள் இடையே மீண்டும் மோதல்: தலைமைக் காவலர் உட்பட 7 பேர் உயிரிழப்பு

படங்கள் வீடியோ கல்வி சினிமா ஜோ‌திட‌ம்