SUN குழுமத்திலிருந்து வெளிவரும் காலை நாளிதழ்

நாச்சிக்குப்பம் அரசு பள்ளியில் சைல்டுலைன் விழிப்புணர்வு முகாம்

8/22/2019 1:34:31 AM

கிருஷ்ணகிரி, ஆக.22: வேப்பனஹள்ளி ஒன்றியம் நாச்சிக்குப்பம் ஊராட்சி ஒன்றிய நடுநிலைப்பள்ளியில் சைல்டுலைன் 1098 குறித்த விழிப்புணர்வு முகாம் நடந்தது. முகாமிற்கு சைல்டுலைன் திட்ட ஒருங்கிணைப்பாளர் பிரசன்னகுமாரி தலைமை வகித்தார். திட்ட ஆலோசகர் ஹேமாமாலினி முன்னிலை வகித்தார். பள்ளி தலைமை ஆசிரியை விஜயா வரவேற்றார். முகாமில், 18 வயதுக்குட்பட்ட இளம் வயதினர் மற்றும் குழந்தைகளுக்கு ஏற்படும் பிரச்னைகள், இளம் வயது திருமணங்கள்,  குழந்தை தொழிலாளர் முறை, பாலியல் ரீதியான துன்புறுத்தல், வீட்டை விட்டு ஓடிப்போகுதல், குழந்தைகளை கடத்தி பிச்சை எடுக்க வைத்தல், பாலியல் தொழிலில் ஈடுபடுத்துதல், உடல் மற்றும் மன ரீதியான துன்புறுத்தல் உள்ளிட்ட குழந்தைகளுக்கு எதிரான குற்றங்கள் குறித்து விரிவான விளக்கம் அளிக்கப்பட்டது.

இளம் வயது திருமணம், பாலியல் தொந்தரவு உள்ளிட்ட குற்றங்கள் நிகழ்வதை அறிந்தால் உடனடியாக 1098 என்ற எண்ணிற்கு தகவல் தெரிவிக்க வேண்டும் என அறிவுறுத்தப்பட்டது. இதில் ஜேஆர்சி மாணவ, மாணவிகள் இளம் வயது திருமணம் குறித்து நாடகம், பாடல்கள் மூலம் விழிப்புணர்வு ஏற்படுத்தினர். தொடர்ந்து, சுற்றுச்சூழலை காக்கும் வகையில் மாணவ, மாணவிகளுக்கு மரக்கன்றுகள் வழங்கப்பட்டது. இந்நிகழ்ச்சியில் வட்டார கல்வி அலுவலர் பெலிசிட்டாமேரி, திட்ட உறுப்பினர்கள் ரமேஷ், ஸ்ரீதர், செந்தில்குமார், விஜயகுமார் மற்றும் மாணவ, மாணவிகள் கலந்துகொண்டனர்.

மேலும் செய்திகள்

Like Us on Facebook Dinkaran Daily News
  • 24-09-2019

    24-09-2019 இன்றைய சிறப்பு படங்கள்

  • greexe_111

    கிரீ்ஸ் நாட்டின் தனாகரா விமானப்படைத் தளத்தில் நடைபெற்ற விமான சாகச நிகழ்ச்சி : பார்வையாளர்களை வெகுவாக கவர்ந்தது

  • octo_111

    ஜெர்மனியில் களைகட்டியது அக்டோபர் ஃபெஸ்ட் : உலகின் அனைத்து வகையான பீர்களை ருசித்து மகிழும் பீர் திருவிழா

  • batman_tshirt11

    காமிக்ஸ் உலகின் நாயகன் பேட்மேன் வயது 80 : பேட்மேன் வேடம் அணிந்து ரசிகர்கள் உற்சாகம்; சிக்னல்கள், டி.சர்ட்டுகளில் பளிச்சிட்ட பேட்மேன்

  • circle_of_lightss1

    மாஸ்கோவில் ஒளிவட்டம் திருவிழா : மின்னும் விளக்கொளியில் மாயத் தோற்றங்களை கண்டு ரசித்த மக்கள்

படங்கள் வீடியோ கல்வி சினிமா ஜோ‌திட‌ம்