SUN குழுமத்திலிருந்து வெளிவரும் காலை நாளிதழ்

தா.பழூரில் பலத்த மழை அரசு மேல்நிலைப்பள்ளி பழைய கட்டிட சுவர் இடிந்து சேதம்

8/22/2019 1:04:47 AM

தா.பழூர், ஆக. 22: தா.பழூரில் பெய்த பலத்த மழையால் அரசு மேல்நிலைப்பள்ளி பழைய கட்டிட சுவர் நேற்று முன்தினம் இரவு இடிந்து விழுந்தது. எனவே பழைய கட்டிடத்தை அகற்றி விட்டு புதிய கட்டிடங்கள் கட்டித்தர வேண்டுமென பொதுமக்கள் கோரிக்கை விடுத்துள்ளனர்.அரியலூர் மாவட்டம் முழுவதும் கடந்த சில நாட்களாக மழை பெய்து வருகிறது. இந்நிலையில் தா.பழூர் பகுதியில் நேற்று முன்தினம் இரவு பலத்த மழை பெய்தது. தா.பழூரில் உள்ள அரசு மேல்நிலைப்பள்ளியின் பழைய பயன்பாடு இல்லாத கட்டிட சுவர் இடிந்து விழுந்தது. இது பயன்பாட்டில் உள்ள புதிய கட்டிடத்தின் மீது விழுந்ததால் அதில் உள்ள மின்சார பெட்டி மற்றும் வயர்கள் சேதமடைந்தன.
மேலும் மாணவர்களின் பயன்பாட்டுக்கு உள்ள குடிநீர் குழாய் இந்த கட்டிடங்களுக்கு மத்தியில் உள்ளது. மதிய நேரங்களில் மாணவ, மாணவிகள் நிழலுக்காக இந்த பகுதியில் தான் அமர்ந்து உணவருந்துவது, படிப்பது மற்றும் ஓய்வெடுத்து வருவது குறிப்பிடத்தக்கது. எனவே இடிந்து கிடக்கும் சுவற்றை உடனடியாக அப்புறப்படுத்த வேண்டும். மேலும் பழமையாக உள்ள 2 கட்டிடங்கள், பழைய அறிவியல் ஆய்வகம் ஆகியவற்றையும் இடித்து அப்புறப்படுத்த வேண்டுமென தினகரன் நாளிதழில் செய்தி வெளியிட்டும் அதிகாரிகள் மெத்தனபோக்கில் இருந்து வருகின்றனர்.எனவே பெரும் அசம்பாவிதம் ஏற்படும் முன் பள்ளி வளாகத்தில் உள்ள பழைய கட்டிடங்களை அகற்ற வேண்டுமென பள்ளி மாணவர்கள் மற்றும் பெற்றோர்கள் கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்