SUN குழுமத்திலிருந்து வெளிவரும் காலை நாளிதழ்

திருமண மண்டபங்களில் நடைபெறும் விழாக்களில் கலெக்டர் எச்சரிக்கை

8/22/2019 12:31:03 AM

திருவண்ணாமலை, ஆக.22: திருமண மண்டபங்களில் நடைபெறும் விழாக்களில், பிளாஸ்டிக் குடிநீர் பாட்டில்களை பயன்படுத்தினால் சட்டப்படி நடவடிக்கை எடுக்கப்படும் என கலெக்டர் எச்சரித்துள்ளார்.திருவண்ணாமலை கலெக்டர் கே.எஸ்.கந்தசாமி தெரிவித்திருப்பதாவது:ஒருமுறை பயன்படுத்தி தூக்கி வீசும் 14 வகையான பிளாஸ்டிக் பொருட்களின் சேகரிப்பு, பயன்பாடு, உற்பத்தி, விநியோகம், விற்பனை ஆகியவற்றை கடந்த ஜனவரி 1ம் தேதி முதல் தமிழக அரசு தடை செய்திருக்கிறது.எனவே, தடை செய்யப்பட்ட 14 வகையான பிளாஸ்டிக் பொருட்கள் உற்பத்தி மற்றும் விற்பனை செய்யும் தொழிற்சாலைகள், வணிக நிறுவனங்கள், வியாபாரிகள் மற்றும் பயன்படுத்தும் பொதுமக்கள் மீது உள்ளாட்சி விதிகளின் கீழ் அபராதம் மற்றும் பறிமுதல் நடவடிக்கைகள் மேற்கொள்ளப்படுகிறது.

இந்நிலையில், சமீப காலமாக திருமண மண்டபங்களில் பெட் பாட்டில் எனப்படும் பிளாஸ்டிக் குடிநீர் பாட்டில்களின் பயன்பாடு அதிகரித்துள்ளது. திருமண மண்டபங்களில் நடைபெறும் விழாக்களில், 300 மிலி முதல் ஒரு லிட்டர் கொள்ளளவு கொண்ட பிளாஸ்டிக் பாட்டில்களில் குடிநீர் வழங்கப்படுகிறது.இதனால் குவியும் பிளாஸ்டிக் கழிவுகளை அகற்றுவது, அழிப்பது சவாலான பணியாக உள்ளது. எனவே, பிளாஸ்டிக் குடிநீர் பாட்டில் பயன்பாட்டை தவிர்க்க, திருமண மண்டபங்களில் நீர் சுத்திகரிப்பு கருவி பொருத்த வேண்டும். மேலும், சுத்திகரிக்கப்பட்ட குடிநீரை எவர்சில்வர் மற்றும் இதர உலோகக் குவளைகள் மூலம் பாரிமாற வேண்டும்.மேலும், திருமண மண்டபங்களில் பிளாஸ்டிக் குடிநீர் பாட்டில்களை பயன்படுத்துவதை தவிர்க்க வேண்டும். மாவட்ட நிர்வாகத்தின் இந்த உத்தரவை செயல்படுத்தாத திருமண மண்டபங்களின் மீது சட்டப்படி நடவடிக்கை எடுக்கப்படும்.இவ்வாறு அவர் தெரிவித்துள்ளார்.

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்