SUN குழுமத்திலிருந்து வெளிவரும் காலை நாளிதழ்

தனியார் மயமாக்கலை எதிர்த்து 2வது நாளாக பாதுகாப்பு துறை ஊழியர்கள் ஆர்ப்பாட்டம்

8/22/2019 12:11:16 AM

ஆவடி, ஆக.22: மத்திய அரசை கண்டித்து 2வது நாளாக தொழிற்சாலைகள் முன்பு ஆர்ப்பாட்டத்தில் ஈடுப்பட்டனர். இந்தியா முழுவதும் பல்வேறு மாநிலங்களில் 41பாதுகாப்புத் துறை நிறுவனங்கள் செயல்பட்டு வருகின்றன. மேற்கண்ட நிறுவனங்களில் 82ஆயிரம் தொழிலாளர்களும், 40 ஆயிரம் ஒப்பந்த தொழிலாளர்களும் பணியாற்றி வருகின்றனர். இந்த நிறுவனங்களை பொதுத்துறை நிறுவனமாக மாற்றி தனியார் மயமாக்க மத்திய அரசு தொடர்ந்து முயற்சி செய்து வருகிறது. இதனையடுத்து, பாதுகாப்பு துறை நிறுவனங்களை சேர்ந்த தொழிற்சங்கங்கள் பல்வேறு போராட்டங்களை நடத்தி வந்தனர்.இதற்கிடையில், பாதுகாப்புத்துறை நிறுவனங்களின் அனைத்து தொழிலாளர்களும் நேற்று முன்தினம் முதல் 41 பாதுகாப்புத்துறை நிறுவனங்களில் ஒரு மாத கால வேலை நிறுத்தத்தில் ஈடுபட்டு வருகின்றனர். இதில், ஆவடியில் உள்ள பாதுகாப்புதுறை நிறுவனங்களில் மட்டும் 10ஆயிரத்திற்கு மேற்பட்ட தொழிலாளர்கள் வேலைக்கு செல்லவில்லை.

இந்நிலையில் நேற்று 2வது நாளாக ஆவடியில் உள்ள படைத்துறை உடைத்தொழிற்சாலை, டேங்க் பேக்டரி, இன்ஜின் பேக்டரி ஆகிய தொழிற்சாலைகளில் முன்பு ஆயிரத்திற்கும் மேற்பட்ட தொழிலாளர்கள்  கலந்து கொண்டு மத்திய அரசின் போக்கை கண்டித்து காலை, மாலை வேளைகளில்  ஆர்ப்பாட்டத்தில் ஈடுபட்டனர். இதில், அனைத்து தொழிற்சங்க நிர்வாகிகள் பங்கேற்று கண்டன உரையாற்றினர். இந்த வேலைநிறுத்த போராட்டத்தினால் மூன்று தொழிற்சாலைகளில் 2வது நாளாக உற்பத்தி தடைப்பட்டது. மேற்கண்ட தொழிற்சாலைகள் முன்பு துணை கமிஷனர் ஈஸ்வரன் தலைமையில் ஏராளமான போலீசார் இரவு, பகலாக பாதுகாப்பு பணியில் ஈடுபட்டு வருகின்றனர்.

மேலும் செய்திகள்

Like Us on Facebook Dinkaran Daily News
  • 11-12-2019

    11-12-2019 இன்றைய சிறப்பு படங்கள்

  • jnu_studentss1

    குடியரசுத்தலைவர் மாளிகையை நோக்கி பேரணி சென்ற ஜேஎன்யு பல்கலை. மாணவர்கள் மீது கண்மூடித்தனமாக தடியடி நடத்திய போலீஸார்

  • bushfire_aussiee1

    ஆஸ்திரேலியாவில் 100-க்கும் மேற்பட்ட இடங்களில் புதர் தீ : புகை மண்டலமாக காட்சியளிக்கும் சிட்னி நகரம்

  • asutra_bushfirr1

    ஆஸ்திரேலியாவில் ஏற்பட்டுள்ள காட்டுத்தீயில் சிக்கி சுமார் 2000த்திற்கும் மேற்பட்ட கோலா விலங்குகள் உயிரிழப்பு

  • parani_deepam11

    கார்த்திகை தீபத் திருவிழா : தி.மலை அண்ணாமலையார் கோவிலில் பரணி தீபம் ஏற்றப்பட்டது

படங்கள் வீடியோ கல்வி சினிமா ஜோ‌திட‌ம்