SUN குழுமத்திலிருந்து வெளிவரும் காலை நாளிதழ்

மேலூரில் ஒருங்கிணைந்த நீதிமன்றம் கட்ட வேண்டும்

8/20/2019 6:29:21 AM

மேலூர், ஆக. 20: மேலூர் நீதிமன்றங்களில்  இடப்பற்றாக்குறையால் பொதுமக்கள், வக்கீல்கள் அவதிப்படுகின்றனர். எனவே, ஒருங்கிணைந்த நீதிமன்றம் கட்ட வேண்டும் என கோரிக்கை விடுத்துள்ளனர். மேலூரில் சார்பு நீதிமன்றம், உரிமையியல் நீதிமன்றம், குற்றவியல் நீதிமன்றம் என 3 நீதிமன்றங்கள், ஆங்கிலேயர் கால கட்டிடத்தில் செயல்பட்டு வருகின்றன. இதில், குற்றவியல் நீதிமன்றம் தனியாகவும், மற்ற இரண்டு நீதிமன்றங்கள் ஒரே கட்டிடத்திலும் செயல்பட்டு வருகின்றன. வழக்குகளின் பெருக்கம் காரணமாக, பொதுமக்களின் வருகையும் அதிகமாக உள்ளது. இதனால், நீதிமன்ற கட்டிடங்களில் நெரிசல் ஏற்படுகிறது. கடந்த 10 ஆண்டாக, பகுதி நேர நீதிமன்றமாக செயல்பட்டு வந்த, மேலூர் சார்புநீதிமன்றம் கடந்த 4 மாதத்திற்கு முன்பு நிரந்தர சார்பு நீதிமன்றமாக மாற்றப்பட்டது. இதனால், இங்கு வரும் பொதுமக்களின் எண்ணிக்கை அதிகரித்துள்ளது. ஆனால், அதற்கேற்ப குடிநீர், கழிப்பறை, ஓய்வறை உள்ளிட்ட அடிப்படை வசதிகள் இலலி. குற்றவியல் நீதிமன்றத்திலும் இதே நிலைதான் உள்ளது. 3 நீதிமன்றங்களையும் ஒரே இடத்தில் செயல்படும் வகையில் ஒருங்கிணைந்த நீதிமன்றம் கட்டினால் பொதுமக்கள், வக்கீல்கள் என அனைத்து தரப்பினரும் பயன்பெறுவர். எனவே, மேலூரில் ஒருங்கிணைந்த நீதிமன்றம் கட்டுவதற்கு அரசு நடவடிக்கை எடுக்க வேண்டும் என பொதுமக்கள், வக்கீல்கள் கோரிக்கை விடுத்துள்ளனர்.

இது குறித்து மேலூர் வக்கீல் சங்க முன்னாள் தலைவர் ஜெயராமன் கூறுகையில், ‘இதுவரை பகுதி நேரமாக செயல்பட்ட சார்பு நீதிமன்றம் கடந்த ஏப்.27 முதல் நிரந்தர நீதிமன்றமாக மாறிவிட்டது. இதற்கென தனி இடம் இல்லாததால், பழைய நீதிமன்ற கட்டிடத்தின் ஓர் அறையில் செயல்பட்டு வருகிறது. இங்கு 100க்கும் மேற்பட்ட வக்கீல்கள் கூடுகின்றனர். இவர்களுக்கு உட்கார போதிய இடம் இல்லை. நீதிபதி அழைக்கும்போது உடனடியாக செல்ல முடியவில்லை. பெண்களுக்கு கழிப்பறை, ஓய்வறை இல்லை. எனவே, மேலூரில் 3 நீதிமன்றங்களும் ஒரே இடத்தில் செயல்படும் வகையில், ஒருங்கிணைந்த நீதிமன்றத்தை கட்ட அரசு நிதி ஒதுக்க வேண்டும். இதனால் பொதுமக்கள் மற்றும் வழக்காடிகள் மிகுந்த பயன் பெறுவர்’ என்றார்.

மேலும் செய்திகள்

Like Us on Facebook Dinkaran Daily News
  • 26-02-2020

    26-02-2020 இன்றைய சிறப்பு படங்கள்

  • speach20

    இந்தியாவில் பெற்ற அனுபவங்களை சொல்ல வார்த்தைகளே இல்லை: அரசு பள்ளி மாணவர்கள் மத்தியில் மெலனியா டிரம்ப் பேச்சு

  • carnival20

    ஜெர்மனி கார்னிவல் 2020: வண்ணமயமான மிதவைகள் உலகத் தலைவர்களை கேலி செய்கின்றன...நூற்றுகணக்கான மக்கள் பங்கேற்பு

  • mariyaathai20

    அமெரிக்க அதிபர் ட்ரம்ப்புக்கு ஜனாதிபதி மாளிகையில் சிறப்பு வரவேற்பு: காந்தி சமாதியில் மலர் வளையம் வைத்து அஞ்சலி செலுத்தினார்

  • viloence20

    டெல்லியில் சி.ஏ.ஏ. ஆதரவாளர்கள், எதிர்ப்பாளர்கள் இடையே மீண்டும் மோதல்: தலைமைக் காவலர் உட்பட 7 பேர் உயிரிழப்பு

படங்கள் வீடியோ கல்வி சினிமா ஜோ‌திட‌ம்