SUN குழுமத்திலிருந்து வெளிவரும் காலை நாளிதழ்

வாழப்பாடி அருகே லாரிகள் மோதல்; டிரைவர் பலி

8/20/2019 1:07:29 AM

வாழப்பாடி, ஆக.20: வாழப்பாடி அருகே லாரிகள் மோதிய விபத்தில், ஓசூர் டிரைவர் பலியானார். மேலும், 3 பேர் படுகாயமடைந்தனர். வாழப்பாடி தேசிய நெடுஞ்சாலையில், நேற்று முன்தினம் நள்ளிரவில் சமையலுக்கு பயன்படுத்தும் ஆயில் லோடு ஏற்றி கொண்டு லாரி ஒன்று, சேலம் நோக்கி வந்து கொண்டிருந்தது. புதுப்பாளையம் புறவழிச்சாலையில் லாரியை டிரைவர் திருப்பியுள்ளார். அப்போது  பின்னால் வந்து கொண்டிருந்த மற்றொரு லாரி, ஆயில் லாரி மீது அதிவேகத்தில் மோதியது. இதில் ஆயில் பாக்கெட்டுகள் சாலையில் சிதறின. இந்த விபத்தில், பின்னால் வந்த லாரி டிரைவர் சம்பவ இடத்திலேயே உடல் நசுங்கி பரிதாபமாக உயிரிழந்தார். மேலும் லாரிகளில் வந்த அஜித்குமார் (17), மதன்குமார் (27), ராஜா (28) ஆகிய 3 பேருக்கு பலத்த காயம் ஏற்பட்டது. இதனை பார்த்த அங்கிருந்தவர்கள் படுகாயமடைந்தவர்களை மீட்டு, வாழப்பாடி அரசு மருத்துவமனைக்கு சிகிச்சைக்காக அனுப்பி வைத்தனர்.

இதுபற்றி தகவலறிந்து வந்த வாழப்பாடி போலீசார், சடலத்தை மீட்டு பிரேத பரிசோதனைக்கு சேலம் அரசு மருத்துவமனைக்கு அனுப்பி வைத்தனர். தொடர் விசாரணையில், இறந்தவர் கிருஷ்ணகிரி மாவட்டம் ஓசூர் பகுதியை சேர்ந்த ரஞ்சித்குமார்(22) என்பதும், லாரியில் சிமெண்ட் லோடு ஏற்றி கொண்டு சேலம் நோக்கி வந்ததும் தெரியவந்தது. இதுகுறித்து மதன் போலீசில் புகார் செய்தார். இதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர்.

மேலும் செய்திகள்

Like Us on Facebook Dinkaran Daily News
  • indo_red_ky111

    இது செவ்வாய் கிரகம் அல்ல!.. காட்டுத்தீ காரணமாக ரத்த சிவப்பு நிறமாக காட்சியளித்த இந்தோனேஷியா வான்பரப்பு

  • tower_denmark111

    டென்மார்க்கில் 45 மீட்டர் உயரத்தில் 1 கி.மீ. தூரம் சுழன்று செல்லும் படிக்கட்டுகளைக் கொண்ட டவர் : உற்சாகத்தில் சாகசப் பிரியர்கள்

  • nyuyark_hotelll1

    நியூயார்க்கில் ஏர்போர்ட் ஹோட்டல் : 512 சொகுசு அறைகளுடன் விமானத்தின் இறக்கைகளைப் போல வீற்றிருக்கும் பிரமாண்டம்

  • tapah_puyal11

    ஜப்பான், தென் கொரியாவை உலுக்கியெடுக்கும் சக்தி வாய்ந்த ‘தாபா’ புயல் : பலத்த காற்றுடன் கூடிய கனமழையால் வீடுகள் சேதம்

  • kenya_nairobi11

    கென்யா தலைநகர் நைரோபியில் பள்ளிக் கட்டிடம் இடிந்து விழுந்து விபத்து : 7 குழந்தைகள் பலி ;57 பேர் படுகாயம்

படங்கள் வீடியோ கல்வி சினிமா ஜோ‌திட‌ம்