SUN குழுமத்திலிருந்து வெளிவரும் காலை நாளிதழ்

சூளகிரியில் குடிநீர் விநியோகம் கேட்டு பிடிஓ அலுவலகத்தை பெண்கள் முற்றுகை

8/20/2019 12:58:52 AM

சூளகிரி, ஆக.20: சூளகிரியில் குடிநீர் விநியோகம் கேட்டு, பெண்கள் பிடிஓ அலுவலகத்தை முற்றுகையிட்டதால் பரபரப்பு ஏற்பட்டது. சூளகிரி ஊராட்சியில் கோட்டை தெரு மற்றும் கீழ் தெருவில் கடந்த 20 நாட்களாக குடிநீர் விநியோகிக்கப்படவில்லை. பழுதடைந்த மின்மோட்டரை சீரமைத்து குடிநீர் விநியோகம் செய்ய வேண்டும் என பொதுமக்கள் கோரிக்கை விடுத்தனர். ஆனால், குடிநீர் விநியோகம் செய்ய அதிகாரிகள் நடவடிக்கை எடுக்காததால், ஆத்திரமடைந்த 60க்கும் மேற்பட்ட பெண்கள், பிடிஓ அலுவலகத்தை நேற்று முற்றுகையிட்டனர். தொடர்ந்து, அலுவலகத்திலிருந்த பிடிஓ ராமசந்திரனை பெண்கள் முற்றுகையிட்டு, வாக்குவாதத்தில் ஈடுபட்டனர். அதையடுத்து, பொதுமக்களிடம் பேசிய பிடிஓ ராமச்சந்திரன், துரை ஏரியில் ₹1 கோடி மதிப்பில் 2 கிணறுகள் அமைத்து, பைப் லைன் மூலம் குடிநீர் விநியோகம் செய்யப்படும். அதற்கான பணிகள் துரிதமாக நடந்து வருகிறது. இன்னும் ஒரு வாரத்தில் அனைத்து பணிகளும் முடிந்து குடிநீர் விநியோகிக்கப்படும் என அவர் உறுதியளித்தார். இதை தொடர்ந்து, பொதுமக்கள் கலைந்து சென்றனர். இதனால், பிடிஓ அலுவலகத்தில் சிறிது நேரம் பரபரப்பு ஏற்பட்டது.

மேலும் செய்திகள்

Like Us on Facebook Dinkaran Daily News
  • doublee_engineflightt1

    உலகிலேயே மிக நீண்ட, மிகப் பெரிய இரட்டை எஞ்சின் விமானம் சோதனை ஓட்டம் வெற்றி!!!

  • chennai_rebbb

    சென்னையில் குடியரசு தின விழா : கண்ணை கவர்ந்த கலாச்சாரத்தை பறைசாற்றும் கலை நிகழ்ச்சிகள்

  • 11kudiyrasu12

    விண்ணில் சாகசம் காட்டிய விமானப்படை, முப்படைகளின் அணிவகுப்பு, அலங்கார ஊர்திகள், கலை நிகழ்ச்சிகள் : குடியரசு தின கொண்டாட்டத்தின் கண்கவர் படங்கள்

  • 27-01-2020

    27-01-2020 இன்றைய சிறப்பு படங்கள்

  • 26-01-2020

    26-01-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்