SUN குழுமத்திலிருந்து வெளிவரும் காலை நாளிதழ்

அரசு உதவி பெறும் பள்ளிகளில் ஆசிரியர் நியமனம் தனியார் பள்ளி ஆசிரியர் அலுவலர் சங்க போராட்டம் தள்ளிவைப்பு

8/20/2019 12:01:50 AM

நாகர்கோவில், ஆக.20: அரசு உதவிபெறும் பள்ளிகளில் ஆசிரியர் நியனமம் தொடர்பாக தனியார் பள்ளி ஆசிரியர் அலுவலர் சங்க போராட்டம் தள்ளிவைக்கப்பட்டுள்ளது.அரசு உதவி பெறும் பள்ளிகளில் அனுமதிக்கப்பட்ட பணியிடங்களில் நியமனம் பெற்று ஊதியமின்றி பணியாற்றும் ஆசிரியர்களுக்கு ஊதியம் வழங்குதல், 2017-18ம் கல்வி ஆண்டிற்கான பணியாளர் நிர்ணய ஆணையில் உள்ள குறைகளை சரி செய்தல் உள்ளிட்ட ஐந்து அம்ச கோரிக்கைகளை வலியுறுத்தி தமிழ்நாடு தனியார் பள்ளி ஆசிரியர் அலுவலர் சங்க நிர்வாகிகள் முதன்மை கல்வி அலுவலர், மாவட்ட கலெக்டர் ஆகியோரை கடந்த ஒரு மாத காலமாக சந்தித்து முறையீடு செய்தனர். மேலும் முதன்மை கல்வி அலுவலகம் முன்பு 19ம் தேதி பட்டினி போராட்டம் நடத்துவதாகவும் அறிவித்திருந்தனர். தொடர்ந்து ஆகஸ்ட் 16ம் தேதி சங்க மாவட்ட தலைவர் கண்ணன் தலைமையில் புதிதாக பொறுப்பேற்ற முதன்மை கல்வி அலுவலரை நிர்வாகிகள் சந்தித்து கோரிக்கைகள் தொடர்பாக விரிவாக விவாதிக்கப்பட்டது.

அதன் அடிப்படையில் தகுதியான முதுகலை ஆசிரியர் நியமனங்கள் ஏற்பளிப்பு செய்யப்படும் என்று முதன்மை கல்வி அலுவலர் உறுதியளித்துள்ளார். மேலும் பணியிட நிர்ணய குறைபாடுகள் விதிகளுக்கு உட்பட்டு சரி செய்யப்படும். இதர கோரிக்கைகள் ஆய்வுக்கு உட்படுத்தப்பட்டு நிறைவேற்றிட தேவையான நடவடிக்கை எடுக்கப்படும் எனவும் முதன்மை கல்வி அலுவலர் தெரிவித்துள்ளார். இதனை தொடர்ந்து தமிழ்நாடு தனியார் பள்ளி ஆசிரியர் அலுவலர் சங்க பட்டினி போராட்டம் தற்காலிகமாக விலக்கிக்கொள்ளப்பட்டுள்ளது என்று சங்க மாவட்ட செயலாளர் விஜயராஜ் தெரிவித்தார். இந்த சந்திப்பின்போது பொதுச்செயலாளர் கனகராஜ், நிர்வாகிகள் சிவ ரமேஷ், வினோத், ஜோஸ்பென்சிகர், அஜின், டோமினிக்ராஜ், சாந்தசீலன், ஷெரின், ஷெர்லின் உட்பட நிர்வாகிகள் பலர் உடனிருந்தனர்.


மேலும் செய்திகள்

Like Us on Facebook Dinkaran Daily News
  • indo_red_ky111

    இது செவ்வாய் கிரகம் அல்ல!.. காட்டுத்தீ காரணமாக ரத்த சிவப்பு நிறமாக காட்சியளித்த இந்தோனேஷியா வான்பரப்பு

  • tower_denmark111

    டென்மார்க்கில் 45 மீட்டர் உயரத்தில் 1 கி.மீ. தூரம் சுழன்று செல்லும் படிக்கட்டுகளைக் கொண்ட டவர் : உற்சாகத்தில் சாகசப் பிரியர்கள்

  • nyuyark_hotelll1

    நியூயார்க்கில் ஏர்போர்ட் ஹோட்டல் : 512 சொகுசு அறைகளுடன் விமானத்தின் இறக்கைகளைப் போல வீற்றிருக்கும் பிரமாண்டம்

  • tapah_puyal11

    ஜப்பான், தென் கொரியாவை உலுக்கியெடுக்கும் சக்தி வாய்ந்த ‘தாபா’ புயல் : பலத்த காற்றுடன் கூடிய கனமழையால் வீடுகள் சேதம்

  • kenya_nairobi11

    கென்யா தலைநகர் நைரோபியில் பள்ளிக் கட்டிடம் இடிந்து விழுந்து விபத்து : 7 குழந்தைகள் பலி ;57 பேர் படுகாயம்

படங்கள் வீடியோ கல்வி சினிமா ஜோ‌திட‌ம்