SUN குழுமத்திலிருந்து வெளிவரும் காலை நாளிதழ்

ஒகேனக்கல்லில் வெள்ளத்தால் பாதிக்கப்பட்ட பகுதிகளில் எம்எல்ஏ ஆய்வு

8/14/2019 2:00:09 AM

பென்னாகரம், ஆக.14: கர்நாடக மாநிலத்தில் பெய்த கன மழையின் காரணமாக அங்குள்ள கிருஷ்ணராஜசாகர், கபினி உள்ளிட்ட அணைகள் தனது முழு கொள்ளளவை எட்டியது. இதன் காரணமாக அணைக்கு வரும் உபரி நீர், தமிழகத்திற்கு திறந்து விடப்பட்டது. இதனால், ஒகேனக்கல் காவிரி ஆற்றில் 3 லட்சம் கனஅடி வரை தண்ணீர் வந்தது. அதிக அளவில் காவிரி ஆற்றில் தண்ணீர் வந்ததால், ஒகேனக்கல், சத்திரம், நாடார் கொட்டாய், நாகர்கோயில் உள்ளிட்ட பகுதிகளில் கரையோரங்களில் கட்டப்பட்டிருந்த வீடுகளில் தண்ணீர் புகுந்தது.இதனால் அங்கு வசித்த மக்கள் பாதுகாப்பு கருதி வேறு இடங்களில் தங்க வைக்கப்பட்டிருந்தனர். ஒகேனக்கல் வெள்ளம் பாதித்த பகுதிகளை பென்னாகரம் திமுக எம்எல்ஏ இன்பசேகரன் ஆய்வு செய்தார். பின்னர் பாதிக்கப்பட்ட மக்களுக்கு ஆறுதல் கூறி, நிவாரண உதவிகளை வழங்கினார்.
பின்னர் நிருபர்களிடம் அவர் கூறியதாவது: ஒகேனக்கல் காவிரி ஆற்றில் இருந்து வெள்ளப்பெருக்கு ஏற்படும் காலங்களில், உபரி நீரை ராட்சத குழாய்கள் அமைத்து பென்னாகரம் பகுதியில் உள்ள ஏரிகளுக்கு வழங்க வேண்டும் என, சட்டமன்ற கூட்டத்தில் கோரிக்கை வைத்தேன். ஆனால் தமிழக அரசு இது தொடர்பாக எந்த நடவடிக்கையும் இதுவரை எடுக்கவில்லை. காவிரியின் நுழைவிடமாக தர்மபுரி உள்ளது. ஆனால் தர்மபுரி மாவட்ட விவசாயிகளுக்கு காவிரி நீரின் பயன் ஏதும் இல்லை. எனவே தமிழக அரசு தர்மபுரி மாவட்ட விவசாயிகள் பயன்பெறும் வகையில், இவ்வழியாக செல்லும் உபரி நீரை ஏரிகளில் நிரப்ப வேண்டும் என்பது, இங்குள்ள மக்களின் நீண்ட நாள் கோரிக்கையாக உள்ளது என்றார்.  இந்நிகழ்வில் ஒன்றிய செயலாளர் செல்வராஜ், பொதுக்குழு உறுப்பினர் வானவில் சண்முகம், ஒன்றிய பொருளாளர் முருகேசன், நகர நிர்வாகி தாரணி கமலேசன், மோகன், முத்தையன், விநாயகம், காளி, பாபு உள்ளிட்ட திமுக நிர்வாகிகள் கலந்து கொண்டனர்.


மேலும் செய்திகள்

Like Us on Facebook Dinkaran Daily News
  • america athipar2020

    காந்தியின் சபர்மதி ஆசிரமத்தில் ராட்டையை சுழற்றி பார்த்த அதிபர் டிரம்ப்: ஆசிரமத்தின் பெருமைகளை ட்ரம்ப்பிற்கு எடுத்துரைத்தார் பிரதமர் மோடி!!

  • trumb12020

    இந்திய மண்ணில் முதன் முறையாக கால் பதித்த அமெரிக்க அதிபர் ட்ரம்ப்!: அகமதாபாத்தில் ஆரத்தழுவி பிரதமர் மோடி வரவேற்பு!!

  • school20

    ஸ்ரீநகரில் 7 மாதங்களுக்கு பிறகு மீண்டும் இன்று பள்ளிகள் திறப்பு: மாநில கல்வித்துறை இயக்குனர் அறிவிப்பு

  • jaya20

    முன்னாள் முதல்வர் ஜெயலலிதா பிறந்தநாளையொட்டி அவரது திருவுருவ படத்திற்கு ஈ.பி.எஸ்., ஓ.பி.எஸ் உள்ளிட்டோர் மலர் தூவி மரியாதை

  • award20

    பஞ்சாபைச் சேர்ந்த சன்னி இந்துஸ்தானி இனிமையான குரல் ஆடிஷனில் இந்தியன் ஐடல் 11ஐ வென்றார்!!

படங்கள் வீடியோ கல்வி சினிமா ஜோ‌திட‌ம்