SUN குழுமத்திலிருந்து வெளிவரும் காலை நாளிதழ்

தமிழகத்தில் விரைவில் ஏர் ஆம்புலன்சு சேவை

8/14/2019 1:29:56 AM

கோவை, ஆக. 14: தமிழகத்தில் விரைவில் ஏர் ஆம்புலன்சு சேவை ஏற்படுத்தப்படும் எனவும், இதற்காக ஆஸ்திரேலியாவுடன் புரிந்துணர்வு ஒப்பந்தம் போடப்பட்டுள்ளதாகவும் சுகாதாரத்துறை அமைச்சர் விஜயபாஸ்கர் தெரிவித்துள்ளார்.  கோவை அவினாசி சாலையில் உள்ள தனியார் ஓட்டலில் உலக உடல் உறுப்புதான தினத்தை முன்னிட்டு, இந்திய தொழில்கள் கூட்டமைப்பின்(சி.ஐ.ஐ.,) யங் இந்தியன்ஸ் மற்றும் கோவை அரசு மருத்துவமனை சார்பில் விழிப்புணர்வு நிகழ்ச்சி நேற்று நடந்தது. நிகழ்ச்சியை, சுகாதாரத்துறை அமைச்சர் விஜயபாஸ்கர், உள்ளாட்சி துறை அமைச்சர் எஸ்.பி. வேலுமணி பங்கேற்று துவக்கிவைத்தனர். இதில், தமிழ்நாடு உடல் உறுப்புதான திட்ட உறுப்பினர் செயலர் காந்திமதி, கோவை மாவட்ட கலெக்டர் ராஜாமணி, அரசு மருத்துவமனை டீன் அசோகன், சி.ஐ.ஐ., கோவை மண்டல தலைவர் வரதராஜன், சுகாதார பிரிவு ஒருங்கிணைப்பாளர் ரமணி, ‘உறுப்பை பரிசளி’ திட்டத்தின் தலைவர் ராஜசபாபதி, உள்ளிட்ட பலர் பங்கேற்றனர். நிகழ்ச்சியில், சுகாதார துறை அமைச்சர் விஜயபாஸ்கர் பேசியதாவது: உடல் உறுப்பு தானத்தில் தமிழகம் முன்னோடி மாநிலமாக இருந்து வருகிறது. சென்னைக்கு அடுத்தபடியாக இரண்டாம் நிலை நகரங்களில், உறுப்பு மாற்று அறுவை சிகிச்சை மையங்களை ஏற்படுத்த முயற்சி மேற்கொள்ளப்பட்டு வருகிறது. இதுவரை தமிழகத்தில், மூளைச்சாவு அடைந்த 1,297 பேர் உறுப்பு தானம் செய்துள்ளனர். இதன் மூலம், 7,565 பேர் உறுப்புகள் பெற்று பயனடைந்துள்ளனர்.

உலக சுகாதார நிறுவனம் தமிழகத்தில் பின்பற்றப்படும் நடைமுறைகளை பிற மாநிலங்களிலும், பின்பற்ற வேண்டும் என, தெரிவித்துள்ளது. ஏழைகளுக்கு தரமான மருத்துவ சிகிச்சை கிடைக்க வேண்டும் என, அரசு செயல்பட்டு வருகிறது. உடல் உறுப்பு தானத்துக்கு தேவையான அனைத்து உதவிகளும் அரசு தரப்பில் கிடைக்கும். தொடர்ந்து நான்கு முறை உடல் உறுப்பு தானத்தில் முதல் இடத்தில் உள்ளோம். உடலுறுப்பு தானம் வழங்கியவர்களுக்கு தேவையான உதவிகளை அரசு வழங்கும். தமிழகத்தில் விரைவில், ஏர்-ஆம்புலன்ஸ் வசதி ஏற்படுத்தப்படும். இதற்காக, ஆஸ்திரேலியா நாட்டுடன் புரிந்துணர்வு ஒப்பந்தம் செய்யப்பட்டுள்ளது. இவ்வாறு அவர் பேசினார்.  மேலும், சென்னை அரசு மருத்துவமனையில் இரண்டு கைகளுக்கும் மாற்றுஅறுவைசிகிச்சை செய்து கொண்ட நாராயணசாமி என்ற ஏழை வாலிபருக்கு கோவை அரசு மருத்துவனையில் பணி வழங்க சுகாதாரத்துறை அமைச்சர் விஜயபாஸ்கர் அறிவுறுத்தினார். இந்நிகழ்ச்சியில், லயன்ஸ் கிளப் சார்பில் ராமகிருஷ்ணமூர்த்தி, ராஜன், பிரபாகரன், சீனவாசன் உள்பட பலர் கலந்துகொண்டனர்.


மேலும் செய்திகள்

Like Us on Facebook Dinkaran Daily News
  • america athipar2020

    காந்தியின் சபர்மதி ஆசிரமத்தில் ராட்டையை சுழற்றி பார்த்த அதிபர் டிரம்ப்: ஆசிரமத்தின் பெருமைகளை ட்ரம்ப்பிற்கு எடுத்துரைத்தார் பிரதமர் மோடி!!

  • trumb12020

    இந்திய மண்ணில் முதன் முறையாக கால் பதித்த அமெரிக்க அதிபர் ட்ரம்ப்!: அகமதாபாத்தில் ஆரத்தழுவி பிரதமர் மோடி வரவேற்பு!!

  • school20

    ஸ்ரீநகரில் 7 மாதங்களுக்கு பிறகு மீண்டும் இன்று பள்ளிகள் திறப்பு: மாநில கல்வித்துறை இயக்குனர் அறிவிப்பு

  • jaya20

    முன்னாள் முதல்வர் ஜெயலலிதா பிறந்தநாளையொட்டி அவரது திருவுருவ படத்திற்கு ஈ.பி.எஸ்., ஓ.பி.எஸ் உள்ளிட்டோர் மலர் தூவி மரியாதை

  • award20

    பஞ்சாபைச் சேர்ந்த சன்னி இந்துஸ்தானி இனிமையான குரல் ஆடிஷனில் இந்தியன் ஐடல் 11ஐ வென்றார்!!

படங்கள் வீடியோ கல்வி சினிமா ஜோ‌திட‌ம்