SUN குழுமத்திலிருந்து வெளிவரும் காலை நாளிதழ்

கோவில்பட்டியில் ஆட்டோ கவிழ்ந்து மூதாட்டி பலி

8/14/2019 12:22:33 AM

கோவில்பட்டி, ஆக.14: கோவில்பட்டியில் தடுப்புசுவரில் ஆட்டோ மோதி கவிழ்ந்த விபத்தில் மூதாட்டி பலியானார். கோவில்பட்டி சண்முகசிகாமணிநகரை சேர்ந்தவர் சந்திரன் மனைவி பேச்சியம்மாள் (65). இவர்களுக்கு 2 மகன்களும், ஐஸ்வர்யா என்ற மகளும் உள்ளனர். இந்நிலையில் கர்ப்பிணியான ஐஸ்வர்யாவை, தாய் பேச்சியம்மாள் கோவில்பட்டியில் உள்ள தனியார் மருத்துவமனையில் மருத்துவ பரிசோதனை செய்து விட்டு, இருவரும் ஆட்டோவில் வீட்டிற்கு திரும்பி கொண்டிருந்தனர். கோவில்பட்டி மாதாங்கோவில் ரோடு விலக்கில் வரும்போது, எதிர்பாராதவிதமாக சாலையின் மையத்தில் உள்ள தடுப்பு சுவரில் ஆட்டோ பயங்கரமாக மோதி கவிழ்ந்தது. இதில் ஆட்டோவில் பயணம் செய்த பேச்சியம்மாள் மீது ஆட்டோ கவிழ்ந்து கிடந்ததில் பலத்த காயத்துடன் ரத்த வெள்ளத்தில் சம்பவ இடத்திலேயே பலியானார். இந்த விபத்தில் கர்ப்பிணி ஐஸ்வர்யாவுக்கு லேசான காயம் ஏற்பட்டது.

தகவலறிந்து கோவில்பட்டி மேற்கு போலீஸ் இன்ஸ்பெக்டர் அய்யப்பன் மற்றும் போலீசார் சம்பவ இடத்திற்கு விரைந்து வந்து விபத்தில் பலியான பேச்சியம்மாளின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். லேசான காயமடைந்த ஐஸ்வர்யாவிற்கு அரசு மருத்துவமனையில் சிகிச்சை அளிக்கப்பட்டது. இதுகுறித்து கோவில்பட்டி மேற்கு போலீசார் வழக்குபதிவு செய்து கோவில்பட்டி இலுப்பையூரணி லாயல்மில் காலனியை சேர்ந்த ஆட்டோ டிரைவர் கணேசன் மகன் தங்கமாரி (32) என்பவரை கைது செய்தனர்.

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்