SUN குழுமத்திலிருந்து வெளிவரும் காலை நாளிதழ்

ஆர்.கே.பேட்டை அருகே குண்டும் குழியுமான ஜி..சிஎஸ்.கண்டிகை தார்சாலை

8/14/2019 12:14:51 AM

பள்ளிப்பட்டு, ஆக.14: ஆர்.கே.பேட்டை அருகே குண்டும் குழியுமான தார்சாலையை சீரமைக்க மக்கள் கோரிக்கை வைத்துள்ளனர். ஆர்.கே. பேட்டையை அடுத்த ஜி.சி.எஸ் கண்டிகையிலிருந்து ஜி.சி.எஸ் கண்டிகை காலனி சாலையை வங்கனூர், ஆர்.கே.பேட்டை, அம்மையார்குப்பம், ஜி.சி.எஸ் கண்டிகை, நொச்சிலி, புச்சிரெட்டிப்பள்ளி, கிருஷ்ணாகுப்பம் உள்ளிட்ட பல்வேறு கிராம பகுதி மக்கள் பயன்படுத்தி வருகின்றனர். இச்சாலை வழியாகத்தான் விசைத்தறி நெசவாளர்கள் தங்கள் தொழில் சம்பந்தப்பட்ட பாவு, நூல் ஆகியவற்றை மோட்டார் சைக்கிள்களில் எடுத்து வருகின்றனர். இதேபோல், விவசாயிகள் தங்கள் நிலத்திற்கு தேவையான இடு பொருட்களை எடுத்து வருகின்றனர். மேலும், பள்ளி, கல்லூரி  மாணவ, மாணவிகள் மற்றும் அரசு, தனியார் ஊழியர்கள் ஆகியோரும் இச்சாலை வழியாகத்தான் செல்ல வேண்டியுள்ளது. ஆனால், இத்தார் சாலை ஜல்லிகற்கள் பெயர்ந்து குண்டும், குழியுமாக போக்குவரத்திற்கு லாயக்கற்ற சாலையாக உள்ளது.

குறிப்பாக, இரவு நேரங்களில் இருசக்கர வாகனங்களில் இச்சாலை வழியாக செல்பவர்கள் கீழே விழுந்து காயமடைகின்ற நிலை ஏற்பட்டுள்ளது. விவசாயிகள் தங்கள் நிலங்களுக்கு செல்லும் போது விழுந்து காயமடைகின்ற சம்பவங்களும் நடந்து வருகின்றன. விசைத்தறி நெசவாளர்கள் பாவு, நூல், பீஸ்கள் இரு சக்கர வாகனங்களில் எடுத்து வரும்போது பள்ளங்களில் விழுந்து காயமடைகின்றனர்.  இதுகுறித்து சம்பந்தப்பட்ட அதிகாரிகளிடம் கூறினாலும் சாலையை சீரமைக்க நடவடிக்கை எடுக்கப்பட வில்லை. எனவே, இச்சாலையை சீரமைக்க மாவட்ட கலெக்டர் மகேஸ்வரி ரவிக்குமார் உடனடியாக நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News
  • karvachauth_2019

    கணவரின் நலனுக்காக மனைவி அனுசரிக்கும் கர்வா சவுத் விரதம் : நோன்பு இருந்து கணவனை சல்லடை வழியாக பார்க்கும் பெண்கள்

  • 18-10-2019

    18-10-2019 இன்றைய சிறப்பு படங்கள்

  • RoboChefOdisha

    உள்நாட்டில் தயாரிக்கப்பட்ட ரோபோக்களை உணவு பரிமாறும் பணியில் ஈடுபடுத்தியுள்ள ஒடிசா உணவகம்: புகைப்படங்கள்

  • AIADMK48

    அதிமுகவின் 48வது ஆண்டு தொடக்க விழா: எம்.ஜி.ஆர், ஜெயலலிதா சிலைகளுக்கு மாலை அணிவித்து ஈபிஎஸ், ஓபிஎஸ் மரியாதை

  • KateWilliamNorthPak

    அரசு முறை பயணமாக பாகிஸ்தான் சென்றுள்ள இங்கிலாந்து இளவரசர்: பழங்குடியினர் நடன நிகழ்ச்சியை கண்டு உற்சாகம்

படங்கள் வீடியோ கல்வி சினிமா ஜோ‌திட‌ம்