SUN குழுமத்திலிருந்து வெளிவரும் காலை நாளிதழ்

பெரியபாளையம் மும்முனை சந்திப்பில் 2மாதமாக எரியாத உயர் கோபுர மின்விளக்குகள்

7/19/2019 2:57:15 AM

ஊத்துக்கோட்டை, ஜூலை 19: பெரியபாளையம் ஊராட்சியில் 7 ஆயிரத்திற்கும் மேற்பட்ட மக்கள் வசித்து வருகிறார்கள். இங்கு புகழ் பெற்ற பவானி அம்மன் கோயில் உள்ளது. இக்கோயிலுக்கு சென்னை, திருவள்ளூர், காஞ்சிபுரம் உள்ளிட்ட பல்வேறு பகுதிகளிலிருந்து தினமும் ஏராளமான பக்தர்கள் வந்து செல்வார்கள். மேலும் தண்டுமாநகர்,  ஆத்துப்பாக்கம், அரியபாக்கம், தண்டலம்,  வண்ணாங்குப்பம்  உள்ளிட்ட 20க்கும் மேற்பட்ட கிராமங்களில் விவசாயிகள், வியாபாரிகள், மாணவ, மாணவிகள், அரசு மற்றும் தனியார் கம்பெனி ஊழியர்கள் அனைவரும் வியாபாரம், வேலை சம்மந்தமாகவும், பள்ளி கல்லூரிகளுக்குச் செல்ல இருசக்கர வாகனங்கள், பஸ், வேன் ஆகிய வாகனங்களில் பெரியபாளையம்   வந்து அங்கிருந்து திருவள்ளூர், ஆவடி, செங்குன்றம், சென்னை  ஆகிய பகுதிகளுக்குச் செல்வார்கள்.

 வேலை நிமித்தமாக வெளியூர்களுக்கு சென்று விட்டு மீண்டும் பெரியபாளையம்  வந்து வீடு திரும்புபவர்கள்  பஸ் நிறுத்தத்தில் நிற்கும் போது அந்த பகுதி இருள் சூழ்ந்து காணப்படும். இதனால் செயின் பறிப்பு, திருட்டு போன்றவைகளும் நடைபெற்றது.  அங்குள்ள  கடைகளிலும் திருட்டு நடந்தது.   இதை தவிர்க்க  பெரியபாளையம் மும் முனை சந்திப்பின்  மையப்பகுதியில் உயர் கோபுர மின் விளக்குகள் அமைக்க வேண்டும் என மக்கள் அப்போதைய எம்.பி.(திமுக)  ஆ.கிருஷ்ணசாமியிடம் கோரிக்கை வைத்தனர்.அதன் படி  தனது தொகுதி மேம்பாட்டு நிதியிலிருந்து ரூ. 5 லட்சத்தை ஒதுக்கினார். பின்னர் 8 விளக்குகள் கொண்ட உயர் கோபுர மின் விளக்குகள் அமைக்கப்பட்டது. இந்நிலையில் இந்த உயர் கோபுர மின் விளக்குகள் கடந்த 2  மாதங்களாக எரியவில்லை.அதுமட்டுமல்லாமல் இந்த உயர்கோபுர மின்விளக்கின் அடிப்பகுதியில்  உள்ள சிமென்ட் தளம் வாகனங்கள் மோதி சேதமடைந்துள்ளது. இதனால் இந்த மின் விளக்கு எந்த நேரத்திலும் கீழே விழும் அபாயம் உள்ளது.  எனவே சம்பந்தப்பட்ட அதிகாரிகள் உயர் கோபுர மின் விளக்கையும், அதன் அடிப்பகுதி சிமென்ட் தளத்தையும் சீரமைக்க வேண்டும்  என பொதுமக்கள் கோரிக்கை வைத்துள்ளனர்.

மேலும் செய்திகள்

Like Us on Facebook Dinkaran Daily News
  • 21-08-2019

    21-08-2019 இன்றைய சிறப்பு படங்கள்

  • beijingroboshow

    பெய்ஜிங்கில் நடைபெற்ற உலக ரோபோ மாநாடு: மருத்துவத்துறை, தீயணைப்பு துறைக்கான புதிய ரோபோக்கள் அறிமுகம்

  • syriaairstrike

    சிரிய எல்லையில் அந்நாட்டு ராணுவம் நடத்தி வரும் வான்வழி தாக்குதல்...மூவர் பலி;அச்சத்தில் மக்கள்: காட்சித்தொகுப்பு!

  • boliviafire

    பொலிவியாவில் பரவிய காட்டுத்தீ: 4 லட்சம் ஹெக்டர் பரப்பளவு தீயில் கருகி நாசம்!

  • russiatomatofight

    ரஷ்யாவில் நடைபெற்ற தக்காளி சண்டை நிகழ்ச்சி: பலர் ஆர்வத்துடன் பங்கேற்பு

படங்கள் வீடியோ கல்வி சினிமா ஜோ‌திட‌ம்