SUN குழுமத்திலிருந்து வெளிவரும் காலை நாளிதழ்

குமரி முழுவதும் சாரல் மழை

7/19/2019 1:16:51 AM

நாகர்கோவில், ஜூலை 19: குமரி மாவட்டத்தில் மீண்டும் சாரல் மழை பெய்யத்தொடங்கியுள்ளது.  தென் மேற்கு பருவமழை குமரி மாவட்டத்தில் வலுப்பெறவில்லை. அவ்வப்போது விட்டுவிட்டு சாரல் மழை பெய்து வருகிறது. இதனால் அணைகளுக்கு நீர்வரத்து அதிகரிக்கவில்லை. கடந்த இரண்டு நாட்களாக மழை பொழிவு இல்லாத நிலையில் நேற்று முன்தினம் இரவு மாவட்டத்தில் பரவலாக சாரல் மழை பெய்தது. களியலில் 6.4, குழித்துறை 4.6, பேச்சிப்பாறை 5.4, குளச்சல் 3.6, அடையாமடை 4, முள்ளங்கினாவிளை 8 மி.மீட்டரும் மழை பதிவாகி இருந்தது. பேச்சிப்பாறை அணை நீர்மட்டம் 4.80 அடியாக சரிந்திருந்தது. அணைக்கு 350 கன அடி தண்ணீர் வரத்து காணப்பட்ட நிலையில் 466 கன அடி தண்ணீர் திறந்து விடப்பட்டிருந்தது. பெருஞ்சாணி நீர்மட்டம் 39.45 அடியாக இருந்தது. அணைக்கு 217 கன அடி தண்ணீர் வரத்து காணப்பட்ட நிலையில் 320 கன அடி தண்ணீர் திறந்து விடப்பட்டிருந்தது. சிற்றார்-1ல் 7.71 அடியாக நீர்மட்டம் உள்ளது. சிற்றார்-2ல் 7.80 அடியும், பொய்கையில் 7.40 அடியும் நீர்மட்டம் உள்ளது. மாம்பழத்துறையாறு அணையில் 45.36 அடி நீர்மட்டம் உள்ளது. இங்கு வினாடிக்கு 30 கன அடி தண்ணீர் வந்துகொண்டிருந்தது.இந்த நிலையில் நேற்றும் காலை முதல் வானம் மேகமூட்டத்துடன் காணப்படுவதும் சாரல் மழை பொழிவதுமாக இருந்தது.


மேலும் செய்திகள்

Like Us on Facebook Dinkaran Daily News
  • 27-01-2020

    27-01-2020 இன்றைய சிறப்பு படங்கள்

  • 26-01-2020

    26-01-2020 இன்றைய சிறப்பு படங்கள்

  • 25-01-2020

    25-01-2020 இன்றைய சிறப்பு படங்கள்

  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

படங்கள் வீடியோ கல்வி சினிமா ஜோ‌திட‌ம்