SUN குழுமத்திலிருந்து வெளிவரும் காலை நாளிதழ்

திருப்பூர் பிச்சம்பாளையம் புதூரில் பள்ளி அருகே சுற்றித்திரியும் தெருநாய்கள்

7/18/2019 6:10:08 AM

திருப்பூர், ஜூலை 18:பிச்சம்பாளையம் புதூர் மாநகராட்சி பள்ளி அருகே தெருநாய்களில் தொல்லை அதிகரித்துள்ளது. இதனால் மாணவர்கள் அச்சத்துடன் பள்ளிக்கு சென்று வருகின்றனர். திருப்பூர் மாநகராட்சிக்கு உட்பட்ட பிச்சம்பாளையம் புதூர் பகுதியில், ஆயிரத்திற்கும் மேற்பட்ட வீடுகளில் 5 ஆயிரத்திற்கும் மேற்பட்ட மக்கள் வசித்து வருகின்றனர். 50க்கும் மேற்பட்ட இறைச்சி கடைகள், மீன் கடைகள், 10க்கும் மேற்பட்ட ஓட்டல்கள் உள்ளன. இப்பகுதியில், வாரம் தோறும், ஞாயிறு, வியாழக்கிழமைகளில், அதிகளவில் இறைச்சி விற்பனை நடக்கும். மற்ற நாட்களில், சொற்ப அளவிலேயே அதன் விற்பனை நடந்து வருகிறது. இந்த இறைச்சிக்கடைகளில், வீணாக தூக்கி வீசப்படும் கழிவுகளை சாப்பிடுவதற்காக, ஏராளமான தெருநாய்கள் சுற்றித்திரிகிறது.

அப்போது, தெருநாய்கள் ஒன்றுக்கொன்று சண்டையிட்டுக் கொள்கிறது. அப்போது, சாலையில் நடந்து செல்வோர், வாகன ஓட்டிகள் என பலரும் தவறி கீழே விழுந்து படுகாயம் அடையும் சம்பவம் அடிக்கடி அரங்கேறி வருகிறது. நாளுக்கு நாள் தெரு நாய்களின் எண்ணிக்கை அதிகரிப்பதுடன், அவற்றின் அட்டகாசமும் அதிகரித்து வருகிறது. தெருநாய்களை பிடித்து அப்புறப்படுத்த வேண்டும் என, மாநகராட்சி நிர்வாகத்தினருக்கு, பொதுமக்கள் சார்பில், பலமுறை கோரிக்கை விடுக்கப்பட்டது. ஆனால், எவ்வித நடவடிக்கையும் எடுக்கவில்லை. அதனால், பொதுமக்கள் பீதியுடன் நடமாட வேண்டிய நிலை ஏற்பட்டுள்ளது.  இந்நிலையில், கடந்த சில நாட்களாக பிச்சம்பாளையம் புதூர் நடுநிலைப்பள்ளி அருகே ஏராளமான தெருநாய்கள் சுற்றி திரிகின்றன. இதனால் மாணவர்கள் அச்சத்துடன் பள்ளிக்கு சென்று வர வேண்டிய நிலை ஏற்பட்டது. ஆகவே, மாநகராட்சி அதிகாரிகள் தெரு நாய்களை கட்டுப்படுத்த உடனடியாக நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்


மேலும் செய்திகள்

Like Us on Facebook Dinkaran Daily News
  • 08-12-2019

    08-12-2019 இன்றைய சிறப்பு படங்கள்

  • 07-12-2019

    07-12-2019 இன்றைய சிறப்பு படங்கள்

  • RioStarFerrisWheel

    பார்வையாளர்களுக்காக விரைவில் திறக்கப்படவுள்ள ரியோ டி ஜெனிரோவின் பிரம்மாண்ட ராட்டினம்: வியப்பூட்டும் புகைப்படங்கள்

  • ambedh_day11

    இந்திய அரசியல் சாசனத்தின் தந்தை டாக்டர் அம்பேத்கரின் நினைவு தினம்: குடியரசுத்தலைவர், பிரதமர் உள்ளிட்டோர் மரியாதை!

  • SydneyOrangeSky19

    ஆஸ்திரேலிய வனப்பகுதியில் ஏற்பட்ட தீயின் புகையால் ஆரஞ்சு நிறமாக காட்சியளிக்கும் சிட்னி வான் பகுதி: புகைப்படங்கள்

படங்கள் வீடியோ கல்வி சினிமா ஜோ‌திட‌ம்