SUN குழுமத்திலிருந்து வெளிவரும் காலை நாளிதழ்

ஈரோடு அரசு மருத்துவமனை மல்டி ஸ்பெசாலிட்டியாக தரம் உயர்வு

7/18/2019 6:00:28 AM

ஈரோடு, ஜூலை 18:     ஈரோடு அரசு தலைமை மருத்துவமனை 1956ம் ஆண்டு துவங்கப்பட்டது. இந்த மருத்துவமனையில் உள்நோயாளிகள் சிகிச்சை பெற 608 படுக்கை வசதி உள்ளது. இங்கு, ஆண்கள், பெண்கள் சிகிச்சை பிரிவு, அறுவை சிகிச்சை பிரிவு, குழந்தைகள் சிகிச்சை பிரிவு, மகப்பேறு சிகிச்சை பிரிவு, கண் சிகிச்சை, மன நோயாளிகள் சிகிச்சை, காசநோய் பிரிவு, எம்ஆர்ஐ., ஸ்கேன் வசதி, டையாலிஸ் மற்றும் ஹெச்.ஐ.வி., தொற்று நோய் சிகிச்சை பிரிவு உள்ளிட்ட சிகிச்சை பிரிவுகள் உள்ளன. ஈரோடு அரசு மருத்துவமனைக்கு மாவட்டத்தின் சுற்றுப்புற பகுதிகளை சேர்ந்த நோயாளிகளும், அண்டை மாவட்டங்களாக கரூர், நாமக்கல், திருப்பூர் போன்ற பகுதியை சேர்ந்த மக்களும் சிகிச்சைக்கு வருகின்றனர்.  இதனால் தினசரி உள்நோயாளிகள், வெளிநோயாளிகள் என ஆயிரத்திற்கும் மேற்பட்டோர் சிகிச்சை பெற்று செல்கின்றனர். பொதுவாக மழைக்காலங்களில் நோயாளிகளின் எண்ணிக்கை அதிகமாக காணப்படும். மேலும், விபத்தில் சிக்கியவர்களுக்கு சிகிச்சை அளிக்க போதிய நவீன வசதிகள் இல்லாததால் பெரும்பாலும் அவசர சிகிச்சை பிரிவில் முதலுதவி சிகிச்சை அளிக்கப்பட்டு கோவை, சேலம் மாவட்ட அரசு மருத்துவமனைகளுக்கு அனுப்பி வைக்கப்பட்டு வந்தனர். இதனால் அதிநவீன மருத்துவ வசதிகளை ஈரோடு அரசு மருத்துவமனையிலும் உருவாக்க வேண்டும் என மக்கள் அரசுக்கு கோரிக்கை வைத்து வந்தனர்.

 தமிழக சட்டசபை கூட்டத்தில் நேற்று முதல்வர் எடப்பாடி பழனிச்சாமி ஈரோடு அரசு மருத்துவமனையை மல்டி ஸ்பெசாலிட்டியாக தரம் உயர்த்தப்படும் என 110 விதியின் கீழ் அறிவித்தார். இந்த அறிவிப்பிற்கு ஈரோடு மக்கள் வரவேற்பு அளித்துள்ளனர்.
 இதுகுறித்து ஈரோடு மாவட்ட மருத்துவ நலப்பணிகள் இணை இயக்குனர் டாக்டர் ரமாமணி கூறியதாவது: அரசு மருத்துவமனையில் தற்போது பல்வேறு நேய்களுக்கு சிகிச்சைகள் அளிக்கப்படுகிறது. மல்டி ஸ்பெசாலிட்டியாக தரம் உயர்த்தப்பட்டுள்ளதால், கார்டியாலஜிஸ்ட், நியூரியாலஜிஸ்ட், பிளாஸ்டிக் சர்ஜரி உள்ளிட்ட அறுவை சிகிச்சை பிரிவுக்கு பரிந்துரை செய்துள்ளோம். என்றார்.


மேலும் செய்திகள்

Like Us on Facebook Dinkaran Daily News
  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

  • thai_ammamam

    தை அமாவாசை : ராமேஸ்வரம், காவிரி உள்ளிட்ட நீர்நிலைகளில் புனித நீராடி, முன்னோர்களுக்கு தர்ப்பணம் கொடுத்து மக்கள் வழிபாடு

  • mouni_amavaaa1

    வட இந்தியாவில் மவுனி அமாவாசை : திரிவேணி சங்கமத்தில் லட்சக்கணக்கானோர் புனித நீராடி, தங்களது முன்னோர்களுக்கு தர்பணம் கொடுத்து வழிபாடு

படங்கள் வீடியோ கல்வி சினிமா ஜோ‌திட‌ம்